قىرعىزستان پارلامەنتى ەل استاناسىنداعى توتەنشە جاعداي رەجيمىن الىپ تاستادى, دەپ حابارلايدى Egemen.kz ريا نوۆوستيگە سىلتەمە جاساپ.
دەپۋتاتتار جاپپاي نارازىلىقتار اياسىندا وتستاۆكاعا كەتكەن پرەزيدەنت سوورونباي جەەنبەكوۆ ەنگىزگەن توتەنشە جاعداي رەجيمىن جويۋعا ءبىراۋىزدان داۋىس بەردى.
ەسكە سالا كەتەيىك, سوورونباي جەەنبەكوۆ 15 قازاندا وتستاۆكاعا كەتەتىنىن مالىمدەدى.
كونستيتۋتسياعا سايكەس, مەملەكەت باسشىسى وتستاۆكاعا كەتكەننەن كەيىن ونىڭ وكىلەتتىگى پارلامەنت سپيكەرىنە كوشەدى. ەگەر سپيكەر مىندەتتەرىن ورىنداي الماسا, وندا رەسپۋبليكانىڭ پرەمەر-ءمينيسترى پرەزيدەنتتىڭ مىندەتىن اتقارۋشى بولادى. بەيسەنبى كۇنى قىرعىزستان پرەمەر-ءمينيسترى سادىر جاپاروۆ ءوز جاقتاستارىنىڭ الدىندا سويلەگەن سوزىندە ەل سپيكەرى قانات يساەۆ پرەزيدەنت مىندەتىن اتقارۋدان باس تارتقانىن جانە بارلىق وكىلەتتىكتەر مينيسترلەر كابينەتىنىڭ باسشىسىنا اۋىسقانىن مالىمدەدى.