سولتۇستىك قازاقستان وبلىسىندا جىل باسىنان بەرى مال باعۋ جانە ۇستاۋ قاعيدالارىن بۇزعانى ءۇشىن 3 886 مال يەسى اكىمشىلىك جاۋاپكەرشىلىككە تارتىلدى, – دەپ حابارلايدى Egemen.kz Polisia.kz سايتىنا سىلتەمە جاساپ.
وتكەن اپتادا الەۋمەتتىك جەلىدە چەرۆوننوە-نوۆويشيمسكوە تاس جولىندا 18 جىلقىنىڭ قاراۋسىز جۇرگەنى تۋرالى ع.مۇسىرەپوۆ اتىنداعى اۋدان تۇرعىنىنىڭ بەينەجازباسى تارادى, جىلقىلار اۆتوكولىكتەردىڭ قوزعالىسىنا كەدەرگى كەلتىرىپ, جولدا اپاتتىق جاعداي تۋدىرعان.
بۇل فاكت بويىنشا پوليتسيا قىزمەتكەرلەرى جىلقىلاردىڭ يەسىن انىقتادى, ول نوۆويشيمسكوە اۋىلىنىڭ تۇرعىنى بولىپ شىقتى, وعان قاتىستى قر اقبتك 408-بابىنىڭ 1-بولىگى (اۋىل شارۋاشىلىعى جانۋارلارىن جايۋ قاعيدالارىن, يتتەر مەن مىسىقتاردى اسىراۋ جانە سەرۋەندەتۋ قاعيدالارىن, قاڭعىباس يتتەر مەن مىسىقتاردى اۋلاۋ جانە جويۋ قاعيدالارىن بۇزۋ) بويىنشا اكىمشىلىك حاتتاما تولتىرىلىپ, ايىپپۇل سالىندى.
جىل باسىنان بەرى وبلىس اۋماعىندا اكىمشىلىك جاۋاپكەرشىلىككە 3 886 مال يەسى تارتىلعان.