تۇركىستاندىق پوليتسەيلەر ۇيىندە ەسىرتكى ءوسىرىپ ساتقان ازاماتتى ۇستادى, – دەپ حابارلايدى Egemen.kz Polisia.kz سايتىنا سىلتەمە جاساپ.
تۇلكىباس اۋدانىنىڭ پوليتسيا بولىمىنە جەرگىلىكتى تۇرعىننىڭ ەسىرتكى زاتىن اسا ءىرى كولەمدە ساقتاۋمەن جانە ساتۋمەن اينالىساتىنى تۋرالى اقپارات كەلىپ تۇسكەن. اتالعان اقپارات قر قك-ءنىڭ 297-بابى (ەسىرتكى, پسيحوتروپتىق زاتتاردى, سول تەكتەستەردى وتكىزۋ ماقساتىندا زاڭسىز دايىنداۋ, قايتا وڭدەۋ, يەمدەنۋ, ساقتاۋ, تاسىمالداۋ, جونەلتۋ نە وتكىزۋ) بويىنشا تىركەلدى.
وتكىزىلگەن جەدەل-ىزدەستىرۋ ءىس-شارالارىنىڭ ناتيجەسىندە تۇلكىباس اۋدانىنداعى اۋىلداردىڭ بىرىندە تۇراتىن ازامات ۇستالدى. ونى ءتىنتۋ بارىسىندا قالتاسىنان “ماريحۋانا” ەسىرتكىسى تابىلدى.
ساراپتاما قورىتىندىسىنا سايكەس الىنعان ەسىرتكىنىڭ جالپى سالماعى 103 گراممدى قۇرايدى. كۇدىكتى ازاماتتىڭ ءوز ۇيىندە ەسىرتكىنى ەگىپ, ساتۋمەن اينالىسقانى بەلگىلى بولدى. تەرگەۋ جالعاسۋدا.