بەكىرەنىڭ بەل كەسپەسىنەن دامەلىلەر براكونەرلىكپەن اينالىسۋىن توقتاتار ەمەس. كەشە تۇندە جاڭاتالاپ اۋىلىنىڭ 31 جاستاعى تۇرعىنىنان 625 كەلى بەكىرە تاركىلەندى, دەپ حابارلايدى Egemen.kz.
وبلىستىق پوليتسيا دەپارتامەنتى ءباسپاسوز قىزمەتىنىڭ اقپاراتىنا قاراعاندا, بالىق قورىنا قىلمىستىق قول سۇعۋشىلىقپەن كۇرەس ءبولىمىنىڭ قىزمەتكەرلەرى جايىق وزەنىنىڭ دامبا اۋىلىنىڭ تۇسىنان "Yamaha" اسپالى موتورلى قايىقتى توقتاتىپتى. قايىقتا جالپى سالماعى 625 كەلىنى قۇراعان بەكىرە تۇقىمداس بالىقتاردىڭ 238 داناسى بولعان.
"وسى دەرەككە بايلانىستى جاڭاتالاپ ەلدى مەكەنىنىڭ 31 جاستاعى تۇرعىنى ۇستالدى. قازىر كۇدىكتىگە قاتىستى قر قىلمىستىق كودەكستىڭ 339-بابىمەن (وسىمدىكتەر مەن جانۋارلاردىڭ سيرەك كەزدەسەتىن جانە قۇرىپ كەتۋ قاۋپى تونگەن تۇرلەرىمەن زاڭسىز اينالىسۋ) سوتقا دەيىنگى تەرگەۋ باستالدى", دەدى وبلىستىق پوليتسيا دەپارتامەنتىنىڭ باستىعى قامزا ۇمبەتقاليەۆ.