ورتالىق ازيانىڭ ەۋرازيا قورى «شەۆرون» كومپانياسىمەن بىرلەسە وتىرىپ QOLDA شۇعىل كومەك باعدارلاماسىنىڭ ەكىنشى كەزەڭىن باستادى.
بۇل كەزەڭدە ۇيىمداستىرۋشىلار شىمكەنت قالاسى مەن 14 وبلىستاعى توتەنشە جاعداي كەزىندە حالىققا كومەك كورسەتەتىن, ۆولونتەرلەر قوزعالىسىن دامىتۋمەن اينالىساتىن ۇكىمەتتىك ەمەس ۇيىمداردى گرانتتار سايىسىنا قاتىسۋعا شاقىرادى. باعدارلامانىڭ ەكىنشى كەزەڭى ايماقتىق باستامالاردى قولداپ, ازاماتتىق قوعامنىڭ توتەنشە جاعدايداعى ارەكەتىن شىڭداۋعا باعىتتالادى. قوعامدىق ۇيىمدارعا بەرىلەتىن جالپى گرانت سوماسى – 30 ملن تەڭگە. جوبالار مەن شارالاردى جۇزەگە اسىرۋعا وسى جىلدىڭ 1 قاراشادان باستاپ 2021 جىلدىڭ 30 ساۋىرىنە دەيىن 6 اي ۋاقىت بەرىلەدى.
بولىنگەن قاراجات اۋىل-ايماقتاردا تۇرمىستىق زورلىق-زومبىلىقتىڭ الدىن الۋ مەن جويۋعا (4,4 ملن تەڭگەگە دەيىن); ايماقتارداعى حالىققا توتەنشە جاعداي كەزىندە اقپارات بەرىپ, قولداۋ كورسەتۋگە, ايماقتىق ۇكىمەتتىك ەمەس ۇيىمداردىڭ توتەنشە جاعدايدا ءتيىمدى ارەكەت ەتۋىن پىسىقتاۋعا, ايماقتارداعى ەرىكتىلەر قوزعالىسىن دامىتۋعا باعىتتالعان جوبالارعا (5 ملن تەڭگەگە دەيىن); ازاماتتىق قوعامنىڭ توتەنشە جاعداي كەزىندەگى ارەكەتى مەن ۇلتتىق دەڭگەيدە ەرىكتىلەر قوزعالىسىن دامىتۋعا ارنالعان ونلاين رەسۋرستاردى قولداۋعا (9 ملن تەڭگەگە دەيىن) بەرىلەدى. سايىسقا قاتىسۋ ءۇشىن باعدارلاما سايتىنداعى ءوتىنىمدى 19 قازانعا دەيىن تولتىرۋ كەرەك. ال ناتيجەلەر ءبىر اپتانىڭ ىشىندە بەلگىلى بولادى.
وسىعان دەيىن نۇر-سۇلتان جəنە الماتى قالالارىندا جوبانىڭ ءبىرىنشى كەزەڭىندە 11 ۇكىمەتتىك ەمەس ۇيىم مەن 7 باق گرانت يەگەرى اتانعان. ناتيجەسىندە, 1900-گە جۋىق الەۋمەتتىك از قامتىلعان وتباسىنا كومەك كورسەتىلىپ, الماتى قالاسى مەن وبلىسىنداعى پروۆيزورلىق ستاتسيونارلاردىڭ مەديتسينا قىزمەتكەرلەرىنە 2300 تۇسكى جəنە كەشكى اس الىنعان. ودان بولەك 500 جەكە قورعانىس قۇرالدارى تاراتىلدى. مۇمكىندىگى شەكتەۋلى جانە ەسىرتكىگە تاۋەلدى جاندارعا 1500, شاعىن بيزنەس وكىلدەرىنە 1400 كونسۋلتاتسيالىق كەڭەس بەرىلدى. سونداي-اق 100 ەڭبەك ميگرانتىنا قولداۋ كورسەتىلىپ, بيزنەستى دامىتۋعا 300 جەكە جوسپار قۇرىلدى. ال باق-قا بولىنگەن گرانتتار COVID-19 تۋرالى قازاق تىلىندەگى اقپاراتتىڭ ساپاسىن ارتتىرۋعا باعىتتالعان.