ۇلى وتان سوعىسىنداعى جەڭىستىڭ 75 جىلدىعىنا ارنالعان ء«بىز – جەڭىستىڭ مۇراگەرىمىز!» اتتى تاعزىم ەستافەتاسىنىڭ نەگىزگى اتريبۋتى پەتروپاۆلدان ەلورداعا جەتكىزىلدى. كەڭەس وداعىنىڭ باتىرى گەنەرال-مايور ي.ۆ. پانفيلوۆ اتىنداعى 8-گۆارديالىق ديۆيزياسىنىڭ جاۋىنگەرلىك تۋىنىڭ كوشىرمەسىن تابىستاۋ سالتاناتى ءوتتى, دەپ حابارلايدى Egemen.kz.
ايتىپ ءوتۋ كەرەك, ەلدەگى پاندەميالىق احۋالعا بايلانىستى 16-ناۋرىز كۇنى پەتروپاۆل قالاسىنا جەتكەن ەستافەتا توقتاتىلىپ, جاۋىنگەرلىك تۋ كوشىرمەسى ۇلتتىق ۇلاننىڭ 6637 اسكەري ءبولىمىنىڭ مۋزەيىنە ۋاقىتشا تابىستالعان بولاتىن.
ەستافەتا اياسىندا ۇيىمداستىرۋشىلار ەلوردادا تۇراتىن ۇوس ارداگەرلەرى – ءابدىراحمان سافاروۆ پەن پاۆەل سەرگەەنكونىڭ ۇيىنە باردى.
ۇلاندىقتار قارت مايدانگەرلەرگە كۇتپەگەن توسىن سىي جاسادى. ارداگەرلەر تۇراتىن ءۇيدىڭ اۋلاسىندا كىشىگىرىم پاراد وتكىزىلىپ, ولار ءۇشىن جاۋىنگەرلىك تۋ كوشىرمەسى اكەلىندى. ال, اسكەري وركەستر ونەرپازدارى سوعىس جىلدارىنداعى اندەردى ورىندادى.
اسكەري قىزمەتشىلەر ارداگەرلەرگە ىشكى ىستەر ءمينيسترى پوليتسيا گەنەرال-لەيتەنانتى ەرلان تۇرعىمباەۆتىڭ جانە ۇلتتىق ۇلان باس قولباسشىسى گەنەرال-لەيتەنانت رۋسلان جاقسىلىقوۆتىڭ اتىنان العىس حاتتار تابىس ەتتى. 28 پانفيلوۆشى بەينەسىندەگى پارادتىق توپ جەڭىمپازدار ءۇشىن سالتاناتتى مارشىن پاش ەتتى.
اتالمىش ەستافەتا اعىمداعى جىلدىڭ 5-اقپانىندا قازاقستان رەسپۋبليكاسى ىشكى ىستەر ءمينيسترى پوليتسيا گەنەرال-لەيتەنانتى ە.ز.تۇرعىمباەۆتىڭ شەشىمىمەن ۇلتتىق ۇلاندا باستاۋ العان بولاتىن.
اتالعان ەستافەتاعا پوليتسيا, توتەنشە جاعدايلار, قىلمىستىق-اتقارۋ جۇيەسى دەپارتامەنتتەرى, ۇلتتىق ۇلاننىڭ وڭىرلىك قولباسشىلىقتارى, اسكەري بولىمدەرى مەن بولىنىستەرى, ءىىو مەن ۇۇ ارداگەرلەر ۇيىمى, سونداي-اق ورتا مەكتەپ وقۋشىلارى مەن اسكەري-پاتريوتتىق كلۋبتاردىڭ تاربيەلەنۋشىلەرى, ستۋدەنت جاستار, قۇقىقتىق ءتارتىپ اسكەرىنىڭ اسكەري بولىمدەرى ورنالاسقان قالالارداعى جەرگىلىكتى قوعامدىق ۇيىمداردىڭ وكىلدەرى قاتىستى.
ەستافەتا باستالعالى پانفيلوۆشىلار ديۆيزياسى جاۋىنگەرلىك تۋىنىڭ كوشىرمەسى الماتى, قىزىلوردا, باتىس قازاقستان, سولتۇستىك قازاقستان وبلىستارىنىڭ 16 ەلدىمەكەنىندە بولدى.
ەستافەتا بارىسىندا كەشەندى ءىس-شارالار, اتاپ ايتساق سوعىس جانە ەڭبەك ارداگەرلەرىمەن كەزدەسۋلەر, ۇوس ارداگەرلەرى تۇراتىن مەكەن-جايلاردا شاعىن پارادتار, جاس وسكىنشەكتەرمەن ەرلىك ساباقتارى, مۇراجايلىق كورمەلەر وتكىزىلدى. ۇلتتىق ۇلاننىڭ اسكەري-ۇرمەلى وركەسترلەرى ەلدىمەكەندەر مەن اسكەردىڭ جەكەلەنگەن بولىنىستەرىندە كونتسەرتتەر قويدى.
تاعزىم ەستافەتاسىنىڭ جابىلۋ سالتاناتى 14 قازان كۇنى ساعات 11.00-دە ۇركەر شاعىناۋدانىندا (يلينكا كەنتى) ورنالاسقان 5573 اسكەري ءبولىمىنىڭ الاڭىندا 8-گۆارديالىق پانفيلوۆشىلار ديۆيزياسىنىڭ جاۋىنگەرلىك تۋىنىڭ كوشىرمەسىن – ي.ۆ.پانفيلوۆتىڭ نەمەرەسى الۋا بايقاداموۆاعا سالتاناتتى تابىستاۋ شاراسىمەن اياقتالاتىن بولادى.
شارا باستالعانعا دەيىن باس شاھارداعى پانفيلوۆشىلار اللەياسىنا گۇل شوقتارىن قويۋ ءراسىمى جوسپارلانىپ وتىر.