ماڭعىستاۋ وبلىسى, قاراقيا اۋدانى, قۇرىق اۋىلىندا وتتەگى ستانساسى سالىندى, دەپ حابارلايدى Egemen.kz
اۋداندىق ورتالىق اۋرۋحانا ديرەكتورى گۇلشارا بەگنيازوۆانىڭ حابارلاعانداي, مەردىگەر مەكەمە اۋرۋحانا جانىنان بوي كوتەرگەن وتتەگى ستانساسىنىڭ قۇرىلىسىن 10 كۇندە اياقتاعان.
مۇندا 5 بولىمشە بار. ءار توسەك ورىنعا وتتەگى جەتكىزۋ قامتاماسىز ەتىلدى. سونىڭ ىشىندە تەراپيا بولىمشەسىنە 14, حيرۋرگيا بولىمشەسىنە 8, بالالار بولىمشەسىنە 8, بوساندىرۋ بولىمشەسىنە 8, جۇقپالى اۋرۋلار بولىمشەسىنە 12 ورىن وتتەگىمەن جابدىقتاندىرىلدى.
"سونىمەن قاتار جەتىباي اۋىلدىق اۋرۋحاناسىنىڭ جانىنان دا وسىنداي وتتەگى گازداندىرۋ ستانساسىنىڭ قۇرىلىسى باستالدى. وبلىستىق دەنساۋلىق ساقتاۋ باسقارماسىنان بولىنگەن قاراجات ەسەبىنەن سالىنعان بۇل ستانسا ىندەتكە شالدىققان, تىنىس الۋى قيىنداعان ناۋقاستاردى ەمدەۋگە باعىتتالادى", دەدى گۇلشارا بەگنيازوۆا.