نوۆاك دجوكوۆيچ جەتكىزەتىن ەمەس

فرانتسيانىڭ استاناسىندا وتكەن «ۇلكەن دۋىلعى» ساناتىنداعى ءتۋرنيرىنىڭ فينالىندا سەربيانىڭ سايىپقىرانى ويسىراي ۇتىلعانى بەلگىلى. سوعان قاراماستان دجوكوۆيچ ءالى دە اتر رەيتينگىندە كوش باستاپ تۇر. ونىڭ ەنشىسىندە 11740 ۇپاي بار. ال ونى ۇتقان رافاەل نادال ەكىنشى ورىندى يەلەنۋدە. يسپانيانىڭ ساڭلاعى 9850 ۇپاي ولجالاۋدا. سونداي-اق, اۋستريالىق دومينيك تيم (9125 ۇپاي), شۆەيتساريالىق روجدەر فەدەرەر (6630), گرەكيالىق ستەفانوس تسيتسيپاس (5925), رەسەيلىك دانيل مەدۆەدەۆ (5890), گەرمانيالىق الەكساندر زۆەرەۆ (4650), ارگەنتينالىق ديەگو شۆارتسمان (3180), يتاليالىق ماتتەو بەررەتتيني (3075) جانە رەسەيدىڭ تاعى ءبىر وكىلى اندرەي رۋبلەۆ (2974) سىندى شەبەرلەر «توپ-10» ويىنشىنىڭ قاتارىنا ەنىپ وتىر.

قازاقستاندىق تەننيسشىلەر اراسىندا اتر رەيتينگىندگى ەڭ ۇزدىك كورسەتكىش الەكساندر بۋبليككە (1045) تيەسىلى. ول 52 ورىندى ەنشىلەۋدە. ەلىمىزدىڭ ەكىنشى راكەتكاسى ميحايل كۋكۋشكين (751) 88 ساتىعا تابان تىرەدى.