سولتۇستىك قازاقستان وبلىسىنىڭ ەكى اۋدان ورتالىعىندا التى بلوكبەكەت قويىلدى, دەپ حابارلايدى Egemen.kz وبلىستىق پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.
ءتارتىپ ساقشىلارى تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ بولىمشەلەرىنىڭ ماماندارىمەن, دارىگەرلەر مەن اكىمدىك وكىلدەرىمەن بىرلەسىپ بلوكبەكەتتەردە كەزەكشىلىك ەتەدى.
"ماعجان جۇماباەۆ اۋدانى بۋلاەۆ قالاسىندا بلوكبەكەتتەر 9 قازاننان باستاپ قويىلدى. قازىر اۋدان ورتالىعىنا كىرۋدى بىردەن ءتورت بلوكبەكەتتىڭ قىزمەتكەرلەرى باقىلايدى. مامليۋت اۋدانىنىڭ مامليۋتكا قالاسىندا ەكى بلوكبەكەت جۇمىس ىستەيدى. 12 قازان كۇنى ساعات 00.00 - دەن باستاپ جۇمىس ىستەي باستادى", دەلىنگەن حابارلامادا.
ەستەرىڭىزگە سالا كەتەيىك, 9 قازاننان باستاپ بۋلاەۆ قالاسى قاتاڭ كارانتينگە جابىلدى. سونىمەن قاتار, ماعجان اۋدانىندا دا كارانتين ەنگىزىلدى.