اقتوبە وبلىستىق ىشكى ىستەر دەپارتامەنتىنىڭ ەسىرتكىگە قارسى كۇرەس باسقارماسى قىزمەتكەرلەرى مارتوك اۋدانىنداعى اققايىڭ اۋىلىنداعى ءبىر تۇرعىن ءۇيدىڭ اۋلاسىنان ون ءتۇپ قاراسورا وسىمدىگى مەن وسى ءۇيدىڭ سارايىنان 2 كيلوگرامم 300 گرامم ماريحۋانا تاركىلەدى, دەپ حابارلايدى Egemen.kz.
قازىرگى ۋاقىتتا قۇرامىندا ەسىرتكىسى بار وسىمدىكتەردى ساقتاۋ جانە زاڭسىز ءوسىرۋ دەرەكتەرى بويىنشا ءۇي قوجايىنىنىڭ ۇستىنەن قىلمىستىق ءىس قوزعالىپ, ول قاماۋعا الىندى. اققايىڭ اۋىلىندا الاڭسىز قاراسورا وسىرگەن ازامات ەندىگى جەردە قىلمىستىق كودەكستىڭ "وتكىزۋ ماقساتىنسىز ەسىرتكى قۇرالدارىمەن, پسيحوتروپتىق زاتتارمەن" جۇمىس ىستەگەنى ءۇشىن جانە "قۇرامىندا ەسىرتكى زاتتارى بار وسىرۋگە تىيىم سالىنعان وسىمدىكتەردى زاڭسىز ءوسىرۋ" باپتارىمەن ايىپتالىپ, تەرگەۋ جۇرگىزىلۋدە.
ەگەردە قاراسورانى قانداي ماقساتپەن وسىرگەنى جانە سارايىنا ەكى كيلوگراممنان اساتىن ماريحۋانانى نە ءۇشىن ساقتاعانى انىقتالاتىن بولسا, ول قىلمىستىق كودەكستىڭ 296-بابىنىڭ 4-بولىگىمەن ءۇش جىلدان جەتى جىلعا دەيىن مەرزىمگە قىلمىستىق جازا ارقالايتىن بولادى.
ايتا كەتۋ كەرەك, اقتوبەلىك پوليتسەيلەر وسى جىلدىڭ باسىنان بەرى 500 كيلوگرامنان اساتىن ەسىرتكى زاتتارىن تاركىلەدى.
اقتوبە وبلىسى