تابيعي مونوپوليالار ماسەلەلەرى بويىنشا كەڭەس ءوتتى

كۇن تارتىبىندەگى نەگىزگى ماسە­­لە «تا­بيعي مونوپوليالار سالا­­­لا­رىن رەت­تەۋدى ۇندەستىرۋ ما­سە­لە­­لەرى» تا­قى­رىبىن­داعى عى­لى­مي-زەرت­تەۋ جۇمىسى­نىڭ كەزەك­تى كە­زەڭى­نىڭ ەسەبىنە ەاەو-عا مۇ­شە مەم­­لە­كەتتەردىڭ تۇجى­رىم­دا­ما­لىق ەسكەرتۋلەرىن تالقىلاۋ بولدى.

ەاەو-عا مۇشە مەملەكەت­تەردە تابيعي مونوپوليالار سالاسىنداعى وزەكتى ماسەلە­لەردىڭ اشىقتىعىن جانە جان-جاقتى قارالۋىن قامتاماسىز ەتۋ ماقساتىندا بۇل زەرتتەۋ­دى «تابيعي مونوپوليالار پروبلەمالارى ينستيتۋتى» اۆەۇ تاۋەلسىز كومپانياسى جۇر­گىزە­تىنىن اتاپ وتكەن ءجون.

تۇتاستاي العاندا, عزج زەرت­تەۋدىڭ تۇپكى ماقساتى – ەاەو-عا مۇشە ءاربىر مەملەكەت ءۇشىن تابيعي مونوپوليالار سالا­لارىنداعى جاقىنداسۋعا جاتاتىن جانە تابيعي مونوپوليا­لار سۋبەكتىلەرىنىڭ قىز­مە­تىن رەتتەۋدىڭ بىرىڭعاي قاعي­داتتارى مەن قاعيدالارىن ىسكە اسىرۋدى قامتاماسىز ەتە­تىن نورماتيۆتىك قۇقىقتىق اكتى­لەرگە ۇسىنىستار مەن ۇسىنىم­دار ازىرلەۋ.

مۇنداي قۇجاتتى مۇقيات پىسىقتاۋدىڭ ماڭىزدىلىعىن ەسكەرە وتىرىپ, قازاقستاندىق تاراپ پىكىرتالاستارعا بەلسەندى قاتىستى. ونىڭ قورىتىندىسى بويىنشا قازاقستاندىق تاراپ­تىڭ عزج ۇسىنىمدارىنا بىر­قاتار ەسكەرتپەلەرى مەن ۇسىنى­س­ى ەسكەرىلدى, ال ەسكە­رىل­مەگەن ەسكەرتۋلەر بويىنشا قازاقستان رەسپۋبليكاسىنىڭ ەرەكشە پىكى­رىن جازۋ شەشىلدى.

وسىلايشا, قازاقستان تاراپى جىلۋ جانە ەلەكتر ەنەرگياسىن بەرۋ, ءبولۋ جانە جابدىقتاۋ قىزمەتتەرىن كور­سەتۋ, تەمىر جول قىزمەتتەرى, گاز تاسىمال­داۋ, اۋە­جايلار جانە ت. ب. ماسە­لە­لەر بويىن­شا قا­عي­داتتىق ۇستا­نىم­دى ۇستانادى.

بۇل زەرتتەۋ ۇسىناتىن ۇسى­نىس­تاردىڭ تەك ۇلتتىق ەگەمەن­­دىككە (بەلگىلى ءبىر قىزمەت­تەردى تا­بيعي مونوپوليالار ما­ر­تەبە­سىنەن ايىرۋ) اسەر ەتەتىندىگى­مەن بايلانىستى, مۇنداي جاعداي سەزىمتال نارىق­تاردى ساقتاۋ جونىندەگى ۇلتتىق مۇددەلەرگە سايكەس كەلمەيدى.

كەڭەس سوڭىندا تاراپتار عزج بويىنشا ەسەپ جوباسى تاراپتاردىڭ ۇسىنىستارىن ەسكەرە وتىرىپ, پىسىقتاۋدى جانە قوسىمشا تالقىلاۋدى تالاپ ەتەدى دەگەن پىكىرگە كەلدى. كەزەكتى جينالىس اعىمداعى جىلدىڭ 15 قازانىندا وتەدى.