مەملەكەت باسشىسى تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات ءمۋسيندى قابىلدادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
پرەزيدەنتكە ينتەرنەت بايلانىسىنىڭ, اسىرەسە, اۋىلدىق جەرلەردەگى ساپاسى مەن قولجەتىمدىلىگىن ارتتىرۋ, «تسيفرلىق قازاقستان» مەملەكەتتىك باعدارلاماسىن ترانسفورماتسيالاۋ, سونداي-اق, مەملەكەتتىك قىزمەتتى ونلاين فورماتقا كوشىرۋ جۇمىستارى تۋرالى مينيسترلىكتىڭ ەسەبى بەرىلدى.
قاسىم-جومارت توقاەۆقا يننوۆاتسيالىق ەكوجۇيەنى قالىپتاستىرۋ جولدارى, اەروعارىش سالاسىن دامىتۋ, سونىمەن قاتار, ەكسپورتقا شىعارىلاتىن باسەكەگە قابىلەتتى ءونىم ازىرلەۋ ءۇشىن IT سالاسى بويىنشا كاسىبي ماماندار دايارلاۋ جوسپارى جونىندە باياندالدى.
مەملەكەت باسشىسى ءبىلىم بەرۋ پلاتفورماسىن دامىتۋدىڭ, قاشىقتان ءبىلىم بەرۋ ۇدەرىسىنە تەحنيكالىق تۇرعىدان كومەك كورسەتۋدىڭ, مەملەكەتتىك قارجىلاي قولداۋ شارالارىن ەلەكتروندى وقۋلىقتار مەن تسيفرلىق ءبىلىم بەرۋ رەسۋرستارىن دامىتۋعا باعىتتاۋدىڭ ماڭىزدىلىعىن اتاپ ءوتتى.
سونىمەن قاتار قاسىم-جومارت توقاەۆ باعدات مۋسينگە مەملەكەتتىك قىزمەتتى پايدالانۋ كەزىندە بيومەتريا تەتىكتەرىن ەنگىزۋ, تسيفرلاندىرۋدى باسقارۋ جۇيەسىنە رەفورما جۇرگىزۋ, «زەردە» حولدينگىنىڭ ءرولى مەن جاۋاپكەرشىلىگىن ارتتىرۋ جونىندە بىرقاتار مىندەت جۇكتەدى. مەملەكەت باسشىسى راديوتولقىنداردى ءبولۋدىڭ اشىق تەتىكتەرىن ەنگىزۋدى تاپسىردى.