قۇرلىق اسكەرلەرىنىڭ باس قولباسشىسى گەنەرال-مايور مارات قۇسايىنوۆتىڭ باسشىلىعىمەن قىزمەتتە جاقسى ناتيجەلەرگە قول جەتكىزگەن, 2018 جىلعى قۇرلىق اسكەرلەرى اسكەري ينستيتۋتىنىڭ وفيتسەر-تۇلەكتەرىنە قۇرمەت كورسەتۋ ءراسىمى ونلاين رەجيمىندە ءوتتى, دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.
ەكى جىل ۋاقىت ىشىندە اسكەري جوعارى وقۋ ورنىنىڭ تۇلەگىنەن, روتا كومانديرىنە دەيىنگى ەڭبەك جولىنان وتكەن 12 ۇزدىك جاس وفيتسەر "ۇزدىك مامان" ەرەكشە جاپسىرمالارىمەن ماراپاتتالدى.
قۇرلىق اسكەرلەرىندە جاس وفيتسەرلەردىڭ جەتكەن جەتىستىكتەرىنىڭ نەگىزگى كورسەتكىشى, ول روتا (باتارەيا) كومانديرىنە دەيىنگى قىزمەتتىك ءوسۋى بولىپ تابىلادى.
ەكى جىل وفيتسەرلىك مانساپتىڭ ىشىندە بارلىق 12 وفيتسەر-تۇلەك تەك ساباقتار مەن بولىمشەنىڭ مىندەتتەرىن پىسىقتاۋ بارىسىندا عانا ەرەكشەلەنىپ قويماي, اسكەري بولىمشەلەرىنىڭ قوعامدىق ومىرىنە دە بەلسەنە ارالاسىپ, وزدەرىن جاقسى قىرىنان كورسەتە بىلگەن. ۇنەمى العا ۇمتىلۋعا تىرىساتىن بەلسەندى ومىرلىك ۇستانىمدارىمەن ولار, شىن مانىندە ۇجىمنىڭ ۇزدىگى بولىپ, كوشباسشىلىق قولداۋعا يە بولدى.
قۇرلىق اسكەرلەرىنىڭ باس قولباسشىسى ولارعا بيىك بەلەستەردى باعىندىرىپ, وتان يگىلىگى ءۇشىن لايىقتى قىزمەت ەتۋدى تىلەدى.
جاس وفيتسەرلەردىڭ جەتىستىكتەرگە قول جەتكىزۋى, بولاشاق لەيتەنانتتار ءۇشىن جاقسى موتيۆاتسيا بولىپ تابىلادى. ول ءۇشىن ءىس-شاراعا 3-4 كۋرس كۋرسانتتارى شاقىرىلدى. ولار وزدەرىنىڭ اعا جولداستارىنىڭ اسكەرلەردەگى قىزمەتى تۋرالى اڭگىمەلەرىن تىڭدادى.
ايتا كەتۋ كەرەك, جاس وفيتسەرلەر اراسىندا كادرلىق ساياساتتى جەتىلدىرۋ جوباسى قازاقستاننىڭ قۇرلىق اسكەرلەرىندە 2010 جىلدان باستاپ جۇرگىزىلىپ كەلەدى. ونىڭ نەگىزگى يدەياسى – قۇرلىق اسكەرلەرى اسكەري ينستيتۋتىنىڭ تۇلەكتەرىن زەرتتەۋ جانە ولاردى ءۇش توپقا شارتتى تۇردە ءبولۋ بولىپ تابىلادى.
ءبىرىنشى توپقا كاسىبي ءبىلىمى, كوشباسشىلىق قاسيەتتەرى جانە مورالدىق, نەيروپسيحيكالىق تۇراقتىلىقتىڭ جوعارى دەڭگەيى بار تۇلەكتەر جاتادى. تالداۋ كورسەتكەندەي, ءبىرىنشى كاتەگوريادا جوعارى كوشباسشىلىق, ەرىك-جىگەرلى, زياتكەرلىك جانە باسقا دا قاسيەتتەرى بار كۋرسانتتار قىزمەت بارىسىندا ايتارلىقتاي جەتىستىكتەرگە جەتەدى.
ەكىنشى توپقا بارلىق قاجەتتى قاسيەتتەرى بار, بىراق تاجىريبەلىك داعدىلارىن جەتىلدىرۋگە مىندەتتى تۇلەكتەر جاتادى.
ءۇشىنشى توپقا شتابتىق لاۋازىمدارعا جانە قىزمەت باستىقتارى رەتىندە تاعايىنداۋعا قولايلى تۇلەكتەر بىرىكتىرىلگەن.
2018 جىلى 144 كۋرسانت-تۇلەك اتالعان ءۇش ساناتقا ءبولىندى, ولاردىڭ قىزمەتى مەن جەتىستىكتەرىن تالداۋ جالعاسۋدا.
اسكەري ورتاداعى ۇجىمدىق جانە جەكە كوشباسشىلىق جۇيە قازىرگى زامانعى اسكەري ۇجىمدى باسقارۋداعى ماڭىزدى اسپەكتكە اينالۋدا. بۇگىنگى تاڭدا اسكەري ىستەردە تەرەڭ وزگەرىستەر بولعان كەزدە, جاۋىنگەرلىك ءىس-قيمىلدار اسكەرلەردىڭ جوعارى قارقىندىلىعىمەن, ۇتقىرلىعىمەن جانە مانەۆرلىگىمەن, جاۋىنگەرلىك جاعدايدىڭ جىلدامدىعىمەن, كۇرت وزگەرۋىمەن سيپاتتالۋدا. سول سەبەپتى اسكەري قىزمەتشىلەرگە دە ەرەكشە تالاپتار قويىلادى.
كوشباسشىلار ارقاشان الدىڭعى قاتاردا بولۋعا تىرىسىپ, قول استىنداعىلاردى العا قويعان ماقساتتارىنا ءساتتى جەتۋگە قولداۋ بىلدىرەدى.