پاريجدە كارانتين شارالارى كۇشەيتىلدى

جاڭا شارالار پاريجگە جانە ونىڭ سولتۇستىگىندە, سولتۇستىك-شىعىسىندا جانە باتىسىندا ورنالاسقان  سەنا-سەن-دەنيس, ۆال-دە-مارن جانە و-دە-سەن, ياعني 7,5 ميلليوننان استام تۇرعىنى بار ايماقتارعا قاتىستى. "سەيسەنبىدەن باستاپ بارلىق بارلار جابىلادى. مەيرامحانالار جاڭا سانيتارلىق ەرەجەلەردى قاتاڭ ساقتاي وتىرىپ جۇمىسىن جالعاستىرادى", - دەلىنگەن قالا اكىمدىگىنىڭ حابارلاماسىندا.

پاريجدە 1 مىڭنان استام ادامنىڭ قاتىسۋىمەن ءىس-شارالار وتكىزۋگە تىيىم سالۋ جۇمىسى جالعاسادى. بۇل رەتتە جاڭا ەرەجە ەنگىزىلەدى, وعان سايكەس كوشەلەر مەن الاڭداردا 10-نان استام ادامنىڭ جينالۋىنا بولمايدى. سپورت كلۋبتارى مەن فيتنەس زالدارى جابىلادى, باسسەيندەر تەك مەكتەپ وقۋشىلارى ءۇشىن جۇمىس ىستەيدى. ستاديوندار مەن ويىن الاڭدارى اشىق اۋادا جۇمىسىن جالعاستىرادى, بۇل رەتتە اشىق اسپان استىنداعى ستاديوندار ءۇشىن 1 مىڭ كورەرمەنگە ارنالعان شەكتەۋدەن باسقا, 50% - دان استام ورىنعا ورنالاستىرۋعا تىيىم سالىنادى.

قالالاردا كەشكى ساعات 22.00-دەن باستاپ الكوگول ساتۋعا, سونداي-اق مۋزىكانىڭ داۋىسىن قاتتى شىعارۋعا تىيىم سالىنادى. قوعامدىق ورىنداردا ستۋدەنتتىك كەشتەر مەن وتباسىلىق مەرەكەلەر توقتاتىلادى, ۇيلەنۋ تويلارىن وتكىزۋگە رۇقسات بەرىلمەيدى. سونداي-اق ويىن ۇيلەرىنىڭ جۇمىسى, جارمەڭكەلەر, كورمە جانە ساۋدا سالوندارىنىڭ جۇمىسى ۋاقىتشا توقتاتىلادى.