وبلىستىق ءبىلىم باسقارماسىنىڭ ءباسپاسوز قىزمەتى بۇل وقيعانىڭ قاشىقتان وقىتۋداعى ينتەرنەت جەلىسىنە ەش قاتىسى جوقتىعىن ءمالىم ەتتى, دەپ حابارلايدى Egemen.kz.
"27 قىركۇيەكتە قىزىلقوعا اۋدانىنىڭ جانتەرەك ەلدى مەكەنىندەگى شتاتتىق رەجيمدە جۇمىس ىستەيتىن №75 باستاۋىش مەكتەپتىڭ 3 سىنىپ وقۋشىسى قىرداعى اتاسىنىڭ ۇيىنە بارعانى انىقتالدى. وقۋشى تراكتوردان قۇلاپ, قولىن اۋىرتىپ العان. اناسى ونى اتىراۋ قالاسىنا اكەلىپ, قولىنا گيپس سالدىرعان. قازىر مەكتەپتەگى ساباعىنا قاتىسىپ ءجۇر.
سونداي-اق اتىراۋ قالاسىنىڭ ماڭىنداعى تاسقالا ەلدى مەكەنىندە ورنالاسقان №32 ورتا مەكتەپتىڭ 9 سىنىپ وقۋشىسى 1 قازاندا ءۇيىنىڭ شاتىرىنان قۇلاپ, قولىن سىندىرىپ العان. ول اتا-اناسىنا كومەكتەسۋ ءۇشىن جاڭادان سالىنىپ جاتقان ءۇيدىڭ شاتىرىنا شىققان. قازىر ول وبلىستىق بالالار اۋرۋحاناسىندا ەم الىپ جاتىر. ساباقتى قاشىقتان وقيدى", دەپ حابارلادى باسقارمانىڭ ءباسپاسوز قىزمەتى.