وبلىستىق پوليتسيا دەپارتامەنتىنىڭ باستىعى قامزا ۇمبەتقاليەۆتىڭ مالىمەتىنە سۇيەنسەك, اتىراۋ قالاسىندا 5 مودۋلدىك تيپتەگى ستاتسيونارلىق بەكەت تاۋلىك بويى جۇمىس ىستەيدى, دەپ حابارلايدى Egemen.kz.
جىل باسىنان بەرى ءمودۋلدى ستاتسيونارلىق بەكەتتەردىڭ كەزەكشى قىزمەتكەرلەرىنە 500-گە جۋىق ازامات جۇگىنىپتى. ەندى مىنە, تاعى ءبىر بەكەت جايىق جاعالاۋىنان اشىلىپ وتىر.
"الدا مودۋلدىك ۇلگىدەگى تاعى 19 بەكەتتى اشۋ جوسپارلانىپ وتىر. ونىڭ 10-ى اتىراۋ قالاسىندا, قالعانى جەتى اۋدان ورتالىعىندا بولادى. وبلىس اكىمدىگىنىڭ قولداۋىمەن بيىل جوسپارلانعان 34 ۋچاسكەلىك پوليتسيا پۋنكتەرىنىڭ 28-ءى اشىلدى. ونىڭ 22-ءسى تۇرعىن ۇيمەن بىرىكتىرىلگەن. قازىر وبلىس اۋماعىندا 92 ۋچاسكەلىك پوليتسيا پۋنكتەرى قىزمەت اتقارادى. ونىڭ 27-ءسى وبلىس ورتالىعىندا ورنالاسقان. قوسىمشا التى ۋچاسكەلىك پوليتسيا پۋنكتىن اشۋ قاراستىرىلۋدا", دەيدى دەپارتامەنت باستىعى قامزا ۇمبەتقاليەۆ.
ونىڭ ايتۋىنشا, وبلىستا 232 ۋچاسكەلىك پوليتسيا ينسپەكتورى, 71 كومەكشىسى بار. ولاردىڭ بارلىعى ءپورتاتيۆتى بەينەتىركەۋىشتەرمەن, راديوستانتسيالارمەن جانە پلانشەتتەرمەن قامتاماسىز ەتىلىپ وتىر.