زەينەتكەرلەردىڭ ءومىر سۇرۋىنە ەڭ قولايلى ەلدەر

Natixis فرانتسۋز ينۆەستيتسيالىق بانكىنىڭ ساراپشىلارى ماتەريالدىق ءال-اۋقاتىن, ءومىر ءسۇرۋ ساپاسىن ەسكەرە وتىرىپ, 44 ەلدەگى زەينەتكەرلەردىڭ ءال-اۋقاتى مەن قارجىلىق قاۋىپسىزدىگىن باعالادى.

تىزىمدە يسلانديا, شۆەيتساريا جانە نورۆەگيا كوش باستاپ تۇر. ال امەريكا قۇراما شتاتتارى 18-ءشى ورىندا.

ايتا كەتسەك, ساراپشىلار تۇرعىندارىنىڭ ءومىر ءسۇرۋ ۇزاقتىعى ەڭ جوعارى ەلدەردى انىقتادى. الەم بويىنشا گونكونگ تۇرعىندارى وتە ۇزاق ءومىر سۇرەدى. ولاردىڭ ءومىر ءسۇرۋ ۇزاقتىعى – 84,63 جاس. ۇزدىك ۇشتىككە جاپونيا, ماكاو سىندى ازيا ەلدەرى جايعاسقان.

ال ءتورتىنشى ورىندا تۇرعىندارى ورتا ەسەپپەن 83,56 جىل ءومىر سۇرەتىن شۆەيتساريا تۇر, ودان كەيىنگى ورىنعا سينگاپۋر (ورتا ەسەپپەن 83,39 جاس) ورنالاسقان. قازاقستان بۇل تىزىمدە 110-ورىندا تۇر. زەرتتەۋ بويىنشا ەلدەگى ورتاشا ءومىر ءسۇرۋ ۇزاقتىعى 73,23 جاستى قۇرايدى.