قىزىلقوعا اۋدانىندا 7 جاسار قىز اناسىنىڭ 45 مىڭ تەڭگەسىن تاتتىلەر ءۇشىن دۇكەنشىگە بەرىپ كەتكەنى انىقتالىپ وتىر, دەپ حابارلايدى Egemen.kz.
وبلىستىق پوليتسيا دەپارتامەنتىنىڭ ءباسپاسوز قىزمەتىنىڭ اقپاراتىنا قاراعاندا, ميالى اۋىلىنىڭ تۇرعىنىناناۋداندىق پوليتسيا بولىمىنە 45 مىڭ تەڭگەسى جوعالعانى تۋرالى ارىز تۇسكەن.
"ارىزدانۋشىنىڭ ازاماتشانىڭ وتىنىشىنە بايلانىستى ۋچاسكەلىك پوليتسيا ينسپەكتورى سەرىجان قاراتاەۆ اقشانىڭ قاشان, قالاي جوعالعانى تۋرالى دەرەكتەردى انىقتاۋعا كىرىسەدى.
شاعىم ايتقان اازاماتشانىڭ كامەلەتكە تولماعان 7 جاستاعى قىزىنىڭ دۇكەنگە بارىپ, مولىنان تاتتىلەر العانىن انىقتايدى. ءسويتىپ, اناسىنىڭ قاتىسۋىمەن كىشكەنتاي قىزبەن سويلەسەدى.
پوليتسيا ينسپەكتورى قىزدىڭ كورسەتۋىمەن ازىق-ت ۇلىك دۇكەنىنىڭ ساتۋشىسىنا بولعان وقيعانى تۇسىندىرەدى. دۇكەنشىنىڭ ايتۋىنشا, كىشكەنتاي قىز بىرنەشە ءتۇرلى ءتاتتى الىپ, قولىنداعى 45000 (قىرىق بەس مىڭ) تەڭگەنى بەرىپ كەتكەن", دەپ حابارلادى دەپارتامەنتىنىڭ ءباسپاسوز قىزمەتى.
جوعالعان اقشاسىن تاۋىپ بەرگەن ۋچاسكەلىك پوليتسيا ينسپەكتورى سەرىجان قاراتاەۆقا ريزا بولعان اۋدان تۇرعىنى العىسىن ايتىپ, قىزمەتىنە ساتتىلىك تىلەدى.