سەنات توراعاسى, الەمدىك جانە ءداستۇرلى دىندەر ليدەرلەرى سەزى حاتشىلىعىنىڭ باسشىسى ماۋلەن اشىمباەۆ قازاقستاننىڭ باس ءراۆۆينى ەشايا كوگەندى قابىلدادى, دەپ حابارلايدى Egemen.kz سەناتتىڭ ءباسپاسوز قىزمەتىنە سىلتەمە جاساپ.
سەنات توراعاسى قازاقستاندا بەيبىتشىلىك پەن كونفەسسياارالىق كەلىسىمدى قامتاماسىز ەتۋدە يۋدەي قاۋىمى مەملەكەتتىڭ ماڭىزدى سەرىكتەسى ەكەنىن جانە اتالعان ءدىن وكىلدەرى ەلىمىزدە مادەنيەت پەن رۋحانياتتىڭ دامۋىنا ۇلكەن ۇلەس قوسىپ وتىرعانىن اتاپ ءوتتى.
سونىمەن قاتار ماۋلەن اشىمباەۆ باس ءراۆۆيندى جانە قازاقستانداعى بارشا ەۆرەي قاۋىمىن سۋككوت مەرەكەسىمەن قۇتتىقتادى. سەنات توراعاسى ەجەلدەن كەلە جاتقان بۇل مەيرام سەنىم پەن بىرلىكتى ارتتىراتىنىن جانە ىزگىلىكتى دارىپتەيتىنىن تىلگە تيەك ەتتى.
كەزدەسۋ بارىسىندا تاراپتار وسىعان دەيىن وتكەن الەمدىك جانە ءداستۇرلى دىندەر ليدەرلەرى سەزدەرىنىڭ قورىتىندىلارىن ىسكە اسىرۋ جۇمىستارىنا قاتىستى پىكىر الماسىپ, دىنارالىق ديالوگتى ودان ءارى نىعايتۋ ماسەلەلەرىن تالقىلادى.
ماۋلەن اشىمباەۆ سەزدىڭ حالىقارالىق دەڭگەيدە مويىندالعانىن جانە جاھاندىق وركەنيەتارالىق ديالوگتىڭ ماڭىزدى تەتىگىنە اينالعانىن ايتتى.