ءوڭىر پوليتسەيلەرى "بەكىرە" وپەراتسياسىنىڭ كۇزگى كەزەڭىن وتكىزىپ جاتىر. بۇل الدىن الۋ شاراسى 31 قازانعا دەيىن جالعاسادى, دەپ حابارلايدى Egemen.kz.
"بەكىرە" كۇزگى وپەراتسياسى باستالعاننان بەرگى ءۇش پاتادا بالىق جانە بالىق ونىمدەرىنىڭ زاڭسىز اينالىمىنا قاتىستى 88 قۇقىق بۇزۋشىلىق انىقتالدى. قازىر پوليتسيا قىزمەتكەرلەرى 6 دەرەككە بايلانىستى قر قىلمىستىق كودەكسىنىڭ 335-ءشى جانە 339-بابىمەن سوتقا دەيىنگى تەرگەۋ-تەكسەرۋ جۇرگىزۋدە. وسى كەزەڭدە زاڭسىز اينالىمنان 1,6 توننا بالىق, ونىڭ ىشىندە 1093 كيلو بەكىرە تۇقىمداس بالىق, 2 كيلوعا جۋىق قارا ۋىلدىرىق, 5 ءجۇزۋ, 86 اۋلاۋ قۇرالى تاركىلەندى. سونىمەن قاتار, وسى كەزەڭدە 82 اكىمشىلىك قۇقىق بۇزۋشىلىق انىقتالىپ, جالپى سوماسى 1,1 ملن تەڭگە كولەمىندە ايىپپۇل سالىندى. ونىڭ 486 مىڭ تەڭگەسى ءوندىرىلىپ الىندى", دەپ حابارلادى دەپارتامەنتتىڭ ءباسپاسوز قىزمەتى.