بيىلعى مامىردا وبلىستىق پوليتسيا دەپارتامەنتى ەكسترەميزمگە قارسى كۇرەس باسقارماسىنىڭ قىزمەتكەرلەرى دەسترۋكتيۆتى ءدىني اعىمنىڭ 32 جاستاعى جاقتاۋشىسىن ۇستاعان ەدى, دەپ حابارلايدى Egemen.kz
ء"بىزدىڭ قىزمەتكەرلەر تەرىس ءدىني اعىمنىڭ وكىلىن سينتەتيكالىق ەسىرتكىنى ساتقان كەزدە قولعا ءتۇسىردى. بىراق بۇل وعان تاعىلعان جالعىز ايىپ ەمەس. تەرگەۋ كەزىندە كۇدىكتىنىڭ دايش توبىنىڭ سودىرلارىنا قوسىلۋدى جوسپارلاپ, بىرنەشە رەت تانىستارىمەن تەرروريزمدى ناسيحاتتاۋمەن اينالىسىپ كەلگەنى انىقتالدى. سوت پسيحولوگيالىق-فيلولوگيالىق ساراپتاماسىنىڭ قورىتىندىسىنا سايكەس, تەرىس ءدىني اعىم وكىلىنىڭ مالىمدەمەلەرىندە قارۋلى جيھاد تۇرىندە تەرروريزمدى ناسيحاتتاۋعا باعىتتالعان بەلگىلەر بولعان", دەيدى وبلىستىق پوليتسيا دەپارتامەنتى باسشىسىنىڭ ورىنباسارى, پوليتسيا پولكوۆنيگى نۇرحات ورازباەۆ.
ونىڭ مالىمەتىنشە, سوتقا دەيىنگى تەرگەۋ كەزىندە كۇدىكتى كىناسىن مويىنداپ, ءىس جۇرگىزۋ كەلىسىمىن جاساۋعا نيەت بىلدىرگەن.
سوت كۇدىكتىنى قر قىلمىستىق كودەكستىڭ ەكى بابىمەن (ەسىرتكىنى ساقتاعانى جانە ساتقانى, سونداي-اق تەلەكوممۋنيكاتسيالىق جەلىلەردى پايدالانىپ, تەرروريزمدى ناسيحاتتاعانى ءۇشىن) كىنالى دەپ تاۋىپ, 6 جىلعا باس بوستاندىعىنان ايىردى.