2020 جىلدىڭ ەكىنشى توقسانىندا ەلىمىزدە 454 مىڭ جۇمىسسىز ادام تىركەلدى. بۇل وتكەن جىلدىڭ سايكەس كەزەڭىمەن سالىستىرعاندا 2,8%-عا كوپ. جۇمىسسىزدىق دەڭگەيى 5%-دى قۇرادى, ال ءبىر جىل بۇرىن 4,8% بولعان, دەپ حابارلايدى Egemen.kz finprom.kz سايتىنا سىلتەمە جاساپ.
جۇمىسسىز قالعان ەر ادامدار سانى 216,3 مىڭدى, ايەلدەر سانى 237,7 مىڭدى قۇرادى. ەرلەر اراسىنداعى جۇمىسسىزدىق دەڭگەيى 4,6%, ايەلدەر اراسىندا 5,4%.
قالاعا قاراعاندا جۇمىسسىزدىق دەڭگەيى اۋىلدىق جەرلەردە تومەن. وسىلايشا, اۋىلدارداعى جۇمىسسىزدار سانى 174,7 مىڭ ادامدى, قالالاردا 279,2 مىڭ ادامدى قۇراپ وتىر.
جۇمىسسىزداردىڭ دەنى وڭتۇستىك ايماقتاردا تۇرادى: الماتى قالاسى, الماتى وبلىسى جانە تۇركىستان وبلىسىندا.