بۇگىن اباي قۇنانباي ۇلىنىڭ 175 جىلدىعىنا ارنالعان ا.جۇبانوۆ پەن ل.ءحاميديدىڭ "اباي" وپەراسىنىڭ تۇساۋكەسەرى ونلاين تۇردە ءوتتى, دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.
"اباي" وپەراسى سىر ەلىندە تۇڭعىش رەت ساحنالانىپ وتىر. وپەرانىڭ قويۋشى رەجيسسەرى شىمكەنت قالالىق وپەرا جانە بالەت تەاترىنىڭ رەجيسسەرى ءارى ءسوليسى, "مادەنيەت قايراتكەرى" توسبەلگىسىنىڭ يەگەرى قايرات ق ۇلىنشاقوۆ.
باستى ءرولدى وبلىستىق فيلارمونيا ءانشىسى ايدوس يمانجاپپاروۆ سومدادى.
قويىلىمدا وبلىستىق فيلارمونيانىڭ, ن.بەكەجانوۆ اتىنداعى قازاق اكادەميالىق مۋزىكالىق دراما تەاترىنىڭ ارتىستەرى, كامەرالىق وركەستر, «توميريس» بي ءانسامبلى, قازانعاپ اتىنداعى قىزىلوردا مۋزىكالىق جوعارى كوللەدجىنىڭ ء«ان سالۋ» ءبولىمىنىڭ ستۋدەنتتەرى مەن ارالاس حور ۇجىمىنان قۇرالعان 100-دەن اسا ونەرپاز ونەر كورسەتتى.
قويىلىم وبلىستىق فيلارمونياسىنىڭ كامەرالىق وركەسترىنىڭ سۇيەمەلدەۋىمەن ءوتتى. ديريجەرى «مادەنيەت قايراتكەرى» توسبەلگىسىنىڭ, «قۇرمەت» وردەنىنىڭ يەگەرى كەۋلىمجاي بوتاباەۆ.
ەلدە ەنگىزىلگەن كارانتين تالاپتارىنا وراي تۇرعىندار «اباي» وپەراسىنىڭ كورسەتىلىمىن «Qyzylorda» تەلەارناسى مەن Youtube الەۋمەتتىك جەلىسىندەگى «سىر شاڭىراعى» كانالى ارقىلى تاماشالاي الادى.