بيىل اقپان ايىندا بىرىككەن ۇلتتار ۇيىمىنىڭ قاۋىپسىزدىك كەڭەسى قازاقستاندا تىركەلگەن اۋە كەمەلەرىمەن ليۆياعا قارۋ جەتكىزۋ ەمبارگوسىنا قاتىستى بۇۇ قاۋىپسىزدىك كەڭەسى سانكتسيالارىنىڭ بۇزىلۋى بويىنشا حاتتاردى ۇسىندى.
قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ مينيسترلىگى قۇقىق قورعاۋ ورگاندارىمەن بىرلەسىپ, بۇۇ قك ەمبارگوسىن قازاقستاندا تىركەلگەن اۋە كەمەلەرىمەن بۇزعان ءۇش اۋە كومپانياسى بويىنشا جۇمىستار جۇرگىزدى (Azee Air جشس, Sigma Airlines جشس, Jenis Air جشس).
وسى پايدالانۋشىلاردىڭ اۋە كەمەلەرىنىڭ مەنشىك يەلەرى بىرىككەن اراب امىرلىكتەرىندە (AGANYA LTD) جانە بريتاندىق ۆيرگين ارالدارىندا (Infinitive Seal Inc.) تىركەلگەن شەتەلدىك كومپانيالار.
اتالعان اۋە كەمەلەرىن پايدالانۋشىلاردىڭ اۋە كەمەلەرى تاياۋ شىعىس ايماعىندا شەتەلدىك تاپسىرىس بەرۋشىلەردىڭ مۇددەلەرى ءۇشىن پايدالانىلدى. اۋە كەمەلەرىنىڭ نەگىزگى بازاسى – بىرىككەن اراب امىرلىكتەرى.
بۇۇ قاۋىپسىزدىك كەڭەسىنىڭ سانكتسياسى بار ەلدەرگە رەيستەر ءۇشىنشى ەلدەردىڭ اۋماعىنان جۇزەگە اسىرىلدى.
حالىقارالىق پراكتيكاعا سايكەس شەتەلدە قالىپتاستىرىلعان تاسىمالداناتىن جۇكتەردىڭ سيپاتىن پايدالانۋشى مەملەكەت, ياعني قازاقستان تاراپى باقىلامايدى, كەرىسىنشە ۇشۋلار جۇزەگە اسىرىلاتىن شەت مەملەكەتتەردىڭ مەملەكەتتىك ورگاندارى باقىلايدى.
قازاقستان رەسپۋبليكاسى زاڭناماسىنىڭ, يكاو ستاندارتتارى مەن ۇسىنىلاتىن پراكتيكاسىنىڭ تالاپتارىن ساقتاۋ تۇرعىسىنان تەكسەرۋ ناتيجەلەرى بويىنشا قازاقستاننىڭ اۆياتسيالىق اكىمشىلىگى باس ديرەكتورىنىڭ 2020 جىلعى 29 مامىرداعى №167/1 بۇيرىعىنا سايكەس ازاماتتىق اۋە كەمەلەرىنىڭ اتالعان ءۇش اۋە كومپانيانىڭ پايدالانۋشىسى سەرتيفيكاتىن, ونىڭ ىشىندە Sigma Airlines جشس پايدالانۋشى سەرتيفيكاتىنىڭ قولدانىلۋى ۋاقىتشا توقتاتىلدى.
قازاقستان رەسپۋبليكاسىنىڭ سىرتقى ىستەر مينيسترلىگى 2020 جىلعى 5 ماۋسىمدا بۇۇ قاۋىپسىزدىك كەڭەسىنىڭ ليۆيا جونىندەگى كوميتەتىنىڭ جەتكىزىلىمگە ەمبارگوسىنىڭ بۇزىلۋىنا قاتىستى بايانداماسىن ۇسىندى.
بۇۇ قاۋىپسىزدىك كەڭەسىنىڭ بايانداماسىندا تەرگەۋ بارىسىنداعى قازاقستاندىق بيلىك پەن قازاقستاننىڭ اۆياتسيالىق اكىمشىلىگىنىڭ اشىقتىعى مەن ىنتىماقتاستىعى ءۇشىن بۇۇ ساراپشىلار توبىنىڭ العىسى اتاپ ءوتىلدى.
ەلىمىزدىڭ ءيميدجىن قاقتىعىس ايماقتارىنا نەمەسە بۇۇ قاۋىپسىزدىك كەڭەسىنىڭ سانكتسياسىنداعى ەلدەرگە قارۋ-جاراق پەن اسكەري تەحنيكانى تەحنيكانى جەتكىزۋدىڭ «اشىق ەمەس سحەمالارىنا» تارتىلعان جوسىقسىز شەتەلدىك اۋە كومپانيالارىنىڭ ارەكەتتەرىنەن ساقتاۋ ماقساتىندا جۇك تاسىمالداۋعا جانە ولاردى كەيىننەن باقىلاۋعا ارنالعان اۋە كەمەلەرىن تىركەۋ ءۇشىن قوسىمشا شارتتار ازىرلەندى, ولار «قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» قازاقستان رەسپۋبليكاسىنىڭ زاڭىنا وزگەرىستەر ەنگىزۋ تۋرالى» قازاقستان رەسپۋبليكاسى زاڭىنىڭ جوباسىنا ەنگىزىلدى.
اتالعان نورمالار 2020 جىلدىڭ سوڭىنا دەيىن «ەكونوميكالىق ءوسۋدى قالپىنا كەلتىرۋ ماسەلەلەرى بويىنشا كەيبىر زاڭنامالىق اكتىلەرگە وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنىڭ اياسىندا قابىلدانادى دەپ كۇتىلۋدە.
وسى باعىتتاعى جۇمىستار جالعاسۋدا.