پرەمەر-مينيستر اسقار ءماميننىڭ توراعالىعىمەن وتكەن "بايتەرەك" ۇلتتىق باسقارۋشى حولدينگى" اق ديرەكتورلار كەڭەسىنىڭ وتىرىسىندا حولدينگتىڭ 2019 جىلعى ينۆەستيتسيالىق ساياساتى ماسەلەسى قارالدى, دەپ حابارلايدى Egemen.kz پرەمەر-ءمينيستردىڭ ءباسپاسوز قىزمەتىنە سىلتەمە جاساپ.
2019 جىلى «بايتەرەك» حولدينگىنىڭ ەنشىلەس ۇيىمدارى ەكونوميكانىڭ شيكىزاتتىق ەمەس سالالارىنىڭ كاسىپورىندارىنا جالپى سوماسى 839 ملرد تەڭگەگە قولداۋ كورسەتتى. وتكەن جىلمەن سالىستىرعاندا قارجىلىق قولداۋ كولەمى 123,8 ملرد تەڭگەگە نەمەسە 17%-عا ۇلعايدى.
ەكونوميكانىڭ جەكە سەكتورىن دامىتۋ ماقساتىندا 2019 جىلى كۆازيمەملەكەتتىك سەكتور سۋبەكتىلەرىنە نەمەسە ولارمەن ۇلەستەس زاڭدى تۇلعالارعا جاتپايتىن 5 500 كومپانيا مەن ۇيىمعا 712 ملرد تەڭگە سوماسىندا قولداۋ كورسەتىلدى.
حولدينگتىڭ وتاندىق ەكسپورتتاۋشىلاردى قولداۋىنىڭ ارقاسىندا وتكەن جىلدىڭ قورىتىندىسى بويىنشا ەكسپورت كولەمى 1 ترلن تەڭگەدەن استى (2018 جىلى – 750 ملرد تەڭگەدەن اسقان). سونىمەن قاتار وتىرىستا «بايتەرەك» ۇبح» اق-نىڭ 2020 جىلدىڭ ەكىنشى توقسانىنداعى تاۋەكەلدەرى جونىندەگى ەسەبى بەكىتىلدى.