بۇل تۋرالى وبلىستىق دەنساۋلىق ساقتاۋ باسقارماسىنىڭ باسشىسى نۇرلىبەك قابدىقاپاروۆ مالىمدەدى, دەپ حابارلايدى Egemen.kz.
"وبلىستىق اۋرۋحانادا, №2 وبلىستىق اۋرۋحانادا, وبلىستىق كارديولوگيالىق ورتالىق پەن قۇرمانعازى, جىلىوي, قىزىلقوعا اۋداندىق اۋرۋحانالارىندا ورتالىقتاندىرىلعان وتتەگى ستانساسىنىڭ قۇرىلىس-مونتاج جۇمىستارى جۇرگىزىلىپ جاتىر. سونىمەن قاتار, يندەر, يساتاي اۋداندىق اۋرۋحانالارىندا وتتەگى ستانساسىن ورناتۋدى قارجىلاندىرۋ ماسەلەسى قارالۋدا" دەدى نۇرلىبەك قابدىقاپاروۆ.
ونىڭ مالىمەتىنە قاراعاندا, مەديتسينا مەكەمەلەرى 224 وكپەنى جاساندى جەلدەتۋ, 27 رەنتگەن, 10 كومپيۋتەرلىك توموگرافيا, 977 وتتەگى گەنەراتورىمەن, سونداي-اق, 1100 پۋلسوكسيمەترمەن قامتىلىپ وتىر. سونداي-اق, جەكە قورعانىش قۇرالدارىنىڭ ەكى ايلىق قورى جاساقتالعان. ءدارى-دارمەكتىڭ جەتكىلىكتى قورى بار.