ءۇرجار اۋدانىندا مال ۇرلاعاندار قاماۋعا الىندى. جەدەل ىزدەستىرۋ شارالارى بارىسىندا التىنشوقى اۋىلىنىڭ 33 جانە 43 جاستاعى تۇرعىندارى ۇستالدى, دەپ حابارلايدى Egemen.kz.
كۇدىكتىلەردىڭ ءبىرى بۇرىندارى سوتتالعان ەكەن. قازىرگى ۋاقىتتا ەكەۋىنىڭ سەگىز رەت ۇرلىق ىستەگەنى انىقتالدى. بيىل تامىزدا ولار تاسكەسكەن اۋىلىنىڭ ماڭىنان بەس باس جىلقىنى ايداپ الىپ كەتكەن. ولار نەگىزىنەن جاز كەزىندەگى تۇنگى ۋاقىتتا ارەكەت ەتكەن. كەلتىرگەن شىعىننىڭ مولشەرى شامامەن 3 ميلليون تەڭگە كولەمىندە.
– ۇرلاعان مالداردى تۇركىستان قالاسىنىڭ تۇرعىنىنا ساتىپ جىبەرگەن. ال ودان تۇسكەن قاراجاتتى ءوز قاجەتتىلىكتەرىنە جۇمساعان. سونداي-اق ءتىنتۋ كەزىندە 200 كيلوگراممعا جۋىق ءىرى قارا ەتى, ەكى ق ۇلىندى بيە جانە بىرنەشە مالدىڭ تەرىسى تابىلدى, - دەيدى وبلىستىق پوليتسيا دەپارتامەنتىنىڭ باستىعى ساعات ماديەۆ.
اتالعان فاكتى نەگىزىندە قىلمىستىق كودەكستىڭ 188-1-بابى, 2-تارماعى, 1 - تارماقشاسى, ياعني «توپتاسقان مال ۇرلىعى» بويىنشا سوتقا دەيىنگى تەرگەۋ امالدارى جۇرگىزىلۋدە.
شىعىس قازاقستان وبلىسى