بورلىلىكتەر ءبىر كىسىدەي جۇمىلدى

«جۇمىلا كوتەرگەن جۇك جەڭىل» دەگەن ماقالدىڭ ماعىناسى ءدال وسى ىندەت جايلاعان قيىن كەزدە انىق ءبىلىندى. وڭىردە ەكونوميكالىق جاعىنان ەڭ دامىعان, قازىنالى قاراشىعاناق كەنىشى ورنالاسقان اۋدان ءۇشىن دە وڭاي بولعان جوق. اۋدانداعى اۋرۋحانالار لىق تولىپ, ناۋقاستار ءبىر جۇتىم اۋاعا زار بولعان كەز ەستەن شىعار ما؟ وسى­­ناۋ قيىن كەزدە كاسىپ­كەر­لەر مەن جاناشىر تۇرعىندار جۇمى­لىپ, از ۋاقىت ىشىندە اۋداندىق اۋرۋ­­حاناعا 47 وتتەگى كونتسەنتراتو­رىن جەتكىزدى. بۇل ۇلكەن جاردەم بولاتىن.

«پاندەميا كەزىندەگى قيىنشى­لىقتى ەل بولىپ جەڭىپ شىقتىق» دەيدى ءبورلى اۋدانىنىڭ اكىمى ميرجان ساتقانوۆ.

كوروناۆيرۋس ىندەتىنىڭ العاش­قى تولقىنى وتكەن سول كەزەڭدە ءبورلى اۋدانى اۋماعىن­دا ۇيىم­داستىرىلعان پروۆيزور­لىق جانە ينفەكتسيالىق ستاتسيونارلارعا 523 ناۋقاس جاتقىزىلدى. بۇگىندە بارلىق ستاتسيونار جابىلىپ, مەديتسينا مەكەمەلەرى ادەتتەگى جۇمىس رەجىمىنە كوشكەن.

كارانتين كەزىندە بورلىلىك ەرىكتىلەر ەرەكشە بەلسەندى بولدى. ولار 20 مىڭنان استام بەتپەردە تىگىپ تاراتتى. 2 مىڭنان استام مۇق­تاج وتباسىنا ماتەريالدىق جانە الەۋمەتتىك كومەك كورسەتىلدى. اۋداننىڭ شاعىن جانە ورتا بيزنەس وكىلدەرى ىندەتكە قارسى كۇرە­سىپ جاتقان مەديتسينا قىزمەت­كەر­لەرىنە ارنالعان تۇرعىن ءۇي قالا­شىعىن, كارانتيندىك ستاتسيونارعا ارنالعان قوناقۇي عيماراتتارىن تەگىن پايدالانۋعا بەردى.

«قاراشىعاناق پەترولەۋم وپە­رەي­تينگ ب.ۆ» كومپانياسى دا وسىنداي دەمەۋشىلىك ىستەن باس تارتپادى. Covid-19 ىندەتىن انىقتايتىن كۇردەلى زەرتحانا, وكپەنى جاساندى جەلدەتكىش اپپاراتتارى, مەديتسينا قىز­مەت­كەرلەرىنە ارنالعان جەكە قور­عانىس قۇرالدارى, جەدەل تەستتەر جانە «جەدەل جاردەمنىڭ» 2 اۆتو­كولىگى اۋداندىق اۋرۋحاناعا تابىستالدى. «قازبۋرگاز» جانە «اقساي يندۋستريالدى پاركى» كوم­پانيالارى دا اۋداندىق اۋرۋ­­حاناعا 2 اۆتوكولىك سىيلادى. ءدارى-دارىمەك تاپشىلىعى كەزىندە «سىرلاسۋ», «اقساي ماركەت», «ايرگرۋپپ» جانە «اقساي ستروي سەرۆيس ي ك» كومپانيالارىنىڭ كۇ­شى­م­ەن اۋداندىق اۋرۋحاناعا جال­­پى سوماسى 12 ملن تەڭگەگە ءدارى-دارمەك پەن پرە­­پارات ساتىپ الىنعان ەكەن. ال «اۆتودوم-م» جانە «ۆەست مو­تورس سەرۆيس» كومپانيالارى دەر كە­زىندە ساپالى مەديتسينالىق كو­مەك كور­سەتۋ ماقساتىندا قۇرىل­عان مو­بيلدىك بريگادالار­دى قا­جەت­­تى اۆتوكولىكتەرمەن قام­تاما­سىز ەتتى. جاقىندا عانا «مون­تاجسپەتسستروي» جانە «بوناتتي» كوم­­پانيالارى اۋداندىق اۋرۋ­حان­ا­عا تاعى دا سىي جاساپ, وكپەنى جاسان­دى جەلدەتەتىن 2 دانا اپپارات تابىس ەتتى.

سونىمەن قاتار پاندەميا كە­زىندە جەرگىلىكتى بيۋدجەت قاراجاتى ەسە­بىنەن اۋدان اۋماعىندا جىل­جىمالى 4 موبيلدىك بەكەت ورنالاستى. ول بەكەتتەردە قىز­مەت ەتكەن دارىگەرلەر مەن قۇقىق قور­عاۋ ورگاندارىنىڭ قىزمەت­كەر­لەرى 3 مەزگىل ىستىق تاماق­پەن قام­تاماسىز ەتىلدى. ستاتسيو­نار­لار­داعى قىزمەتكەرلەر دە جەكە قور­عانىس قۇرالدارىمەن قامتى­لىپ, اقساي قالاسى مەن اۋىل­دار­دىڭ ادام كوپ شوعىرلاناتىن ورىن­دارعا – ايالدامالار, ساياباق­تار, جاياۋ جۇرگىنشى جولدارى مەن كوپ­قاباتتى ۇيلەردىڭ كىرە­بەرىس­تەرىنە دەزينفەكتسيا جۇمىسى جۇرگىزىلدى.

– سىن ساعاتتا كورسەتكەن با­تىل­­دىق مەن توزىمدىلىك ءۇشىن بار­شا مەديتسينا جانە قۇقىق قور­عاۋ سا­لا­سى قىزمەتكەرلەرىنە, ەرى­كتى­لەرگە, كاسىپكەرلەرگە العىس ايتا­­مىن. ىندەتكە قارسى كۇرەستە سىز­دەر قوسقان ۇلەسكە باعا جەتپەس. بۇ­­گىنگى كۇننىڭ باتىرى – سىزدەر­سىز­دەر! – دەدى جاقىندا تەلەارنا ارقى­لى ءسوز العان اۋدان باسشىسى م.ساتقانوۆ.

ءيا, بىرلىگى جاراسقان ەل قانداي قيىندىقتى دا ەڭسەرەدى.

باتىس قازاقستان وبلىسى