شاتىرعا شىققان شاكىرتتەر

ويتكەنى وسى كەزگە دەيىن ەس­كەنەگە ينتەرنەت جەلىسى تارتىل­ماعان. سول سەبەپتەن, مەكتەپ وقۋ­شىلارى شاتىرعا شىعىپ, ينتەر­نەت جەلىسىن ىزدەۋگە ءماجبۇر. ءبىلىم نارىمەن سۋسىنداعىسى كەل­گەن شاكىرتتەردىڭ ساتىمەن شا­تىرعا شىعىپ-ءتۇسىپ جۇرگەن ءساتى الەۋمەتتىك جەلىلەردە دە, باق بە­ت­ىندە دە جاريالانىپ جاتىر. شى­نىمەن سولاي ما؟ مۇنداي شاعىن اۋىلداردا تۇراتىن وقۋشىلار ينتەرنەتپەن نەگە قامتىلماعان؟

وسىنداي ساۋالدارعا جاۋاپ الۋ ءۇشىن ماقات اۋدانىنىڭ اكىمى شاكىر كەيكينگە حابارلاسقان ەدىك. اكىمنىڭ مالىمەتىنە سۇيەنسەك, «قا­زاقتەلەكوم» اق وڭىرلىك في­ليا­لىنىڭ باسشىلارى 20 تامىزعا دەيىن ەسكەنەدەگى ۇيلەردى ينتەرنەت جەلىسىمەن قامتۋدى Beeline جانە Kcell ءموبيلدى بايلانىس وپە­راتورلارى ارقىلى شەشۋگە ۋادە بەرگەن ەكەن. الايدا اتال­­­عان ءموبيلدى بايلانىس وپە­را­تورلارىنىڭ قىزمەت كورسەتۋى قار­­جىعا تىرەلگەندىكتەن, «قا­زاق­تە­لەكوم» اق وڭىرلىك فيليالىنىڭ باس­شىلارى بۇل ماسەلەنىڭ شەشىل­مەي­تىنىن ەسكەرتىپتى.

– تۋىنداعان ماسەلەنى وڭ شە­­شۋ ءۇشىن «ترانستەلەكوم» مە­كە­­مەسىنىڭ باسشىلارىنا ءوتىنىش ءبىل­­دىردىم. «ترانستەلەكوم» مەكە­مە­سى تارا­پىنان ەسكەنە ەلدى مەكە­نىندە تەمىر جول تورابىنىڭ ءبىر بەتىندەگى 11 ءۇيدىڭ توعىزىنا وپ­­تيكالىق تالشىق جەلىسى جۇر­گىزىلدى. ەندى بۇل مەكەمە قاجەتتى ماتەريالداردىڭ بولماۋىنا بايلانىستى قالعان ۇيلەردى الداعى قازان ايىندا ينتەرنەتپەن تولىق قامتۋدى جوس­پارلاپ وتىر, – دەيدى اۋدان اكىمى.

ش.كەيكيننىڭ ايتۋىنا قارا­عاندا, تەمىر جول تورابىنىڭ كە­لەسى بەتىندە 14 وتباسى تۇرادى. ولاردىڭ مەكتەپ جاسىنداعى 19 بالاسى دا كەڭجولاقتى ينتەرنەت جەلىسىنىڭ يگىلىگىن كورمەي وتىر. بىراق اctiv ءموبيلدى بايلانىس وپەراتورىنىڭ قىزمەتىن پايدالانادى.

– بۇرىن ەسكەنە ەلدى مەكە­نىندەگى 22 بالا, تاسكەسكەن ەلدى مەكەنىنەن 6 بالا, №441 بەكەت­تە تۇراتىن 2 بالا دوسسور كەنتىندەگى س.ءشارىپوۆ اتىنداعى مەكتەپ-ينتەرناتتا وقىدى. وقۋ­شىلار­عا اتالعان مەكتەپ-ينتەرناتتا 2020-2021 جىلعى وقۋ پروتسەسىن جۇر­گىزۋگە دايىنبىز. وسىعان وراي ءوزىم, ورىنباسارىم, وكرۋگ اكىمى, اۋداندىق ءبىلىم بەرۋ ءبولى­مىنىڭ باسشىسى, س.ءشارىپوۆ اتىن­داعى مەكتەپ-ينتەرناتتىڭ ديرەك­تورىمەن بىرگە ەسكەنە ەلدى مە­كەنىندەگى اتا-انالارمەن كەزدەسۋ وتكىزدىك. اتا-انالاردان مەك­تەپ جاسىنداعى بالالارىن مەكتەپ-ينتەرناتتا جاتىپ وقۋعا جىبەرۋىن سۇرادىم. مەكتەپ-ينتەرناتتا جا­تىن ورنى دا, تاماعى دا, ينتەرنەت جەلىسى دە دايىن, – دەيدى ش.كەيكين.

الايدا تۇرعىندار بالالارىن دوسسور كەنتىندەگى مەكتەپ-ينتەر­ناتتا جاتىپ وقۋعا جىبەرۋگە كەلىسپەي وتىر. وسىعان وراي اتا-انالار وزدەرىنىڭ قارسىلىعىن قاعازعا ءتۇسىرىپ, قولىن قويىپ بە­رىپتى. ەندى ولار بالالارىن قا­شىقتان وقىتۋ ءۇشىن ينتەرنەت جەلىسىن ورناتۋ مۇمكىندىگى قاراستىرىلعانىن قالايدى. 

– بالالار – ءبىزدىڭ بولاشا­عى­مىز. ولاردىڭ قانداي جاعدايدا دا ساپالى ءبىلىم الۋىنا كومەگىمىز­دى بەرەمىز. سول سەبەپتەن, اتالعان اۋىلدارعا ينتەرنەت جەلىسىن تارتۋ جۇمىستارىن جەدەلدەتۋدى قولعا الامىز, – دەيدى اۋدان باسشىسى.

ەلىمىزدە تسيفرلاندىرۋ جوباسى قولعا الىنىپ, بارشا جۇرت ينتەرنەتتىڭ يگىلىگىن كورىپ وتىر­عاندا, شاعىن اۋىلدارداعى شا­كىرتتەردىڭ ۇمىت قالعانى, ولاردىڭ شاتىرعا شىعۋعا ءماجبۇر بولعانى وكىنىشتى-اق. بۇعان دەيىن وبلىس اكىمى ماحامبەت دوسمۇحامبەتوۆتىڭ ءمالىم ەتكەنىندەي, ءموبيلدى بايلانىس وپەراتورلارى ارقىلى ساتىپ الىناتىن 3 مىڭ روۋتەر قايدا ەكەن؟ ال اتا-انالار بالالارىنىڭ شاتىرعا شىعۋىنا نەگە رۇقسات بەرگەن؟

اتىراۋ وبلىسى,

ماقات اۋدانى