ەلوردا تۇرعىندارى مەن قوناقتارى ءوز باعدارىن الدىن الا جوسپارلاۋى كەرەك, دەپ حابارلايدى Egemen.kz ەلوردا اكىمدىگىنە سىلتەمە جاساپ.
ورتاشا جوندەۋ اياسىندا ءوندىرىس كوشەسىندە وزەن كوشەسىنەن سولتۇستىك اينالما جولعا دەيىنگى ۋچاسكەدە جول قۇرىلىسى جۇرگىزىلۋدە. وسىعان بايلانىستى 12-13 قىركۇيەك ارالىعىندا كولىك قوزعالىسى تولىعىمەن جابىلادى.
"ەلوردا تۇرعىندارى مەن قوناقتارى قالا جولدارىندا كەپتەلىس تۋدىرماۋ ءۇشىن ءوز مارشرۋتىن الدىن الا جوسپارلاۋى قاجەت. كەلتىرىلگەن قولايسىزدىقتار ءۇشىن كەشىرىم وتىنەمىز جانە جوندەۋ جۇمىستارىنا تۇسىنىستىكپەن قاراۋدى سۇرايمىز", دەپ اتاپ ءوتتى قالالىق كولىك جانە جول-كولىك ينفراقۇرىلىمىن دامىتۋ باسقارماسى.