قازاقستان ايەلدەرى بۇگىنگى كۇندە ءبىزدىڭ قوعامداعى بارلىق سالالاردا بەلسەندى ەڭبەك ەتۋدە. ولار اگروونەركاسىپتىك كەشەننىڭ دامۋىنا دا ۇلكەن ۇلەس قوسۋدا.
وسىعان وراي, اۋىل شارۋاشىلىعى مينيسترلىگى اوك سالاسىنداعى گەندەرلىك تەڭدىك ماسەلەلەرىنە ۇلكەن كوڭىل بولەدى.
مينيسترلىكتىڭ ورتالىق اپپاراتىندا ايەل قىزمەتكەرلەردىڭ ۇلەسى 50 پايىزدى قۇرايدى. سولاردىڭ ىشىندە 2-ەۋى باسشىلىق قىزمەت اتقارادى. اتاپ ايتقاندا, 2012 جىلى اۋىل شارۋاشىلىعى ۆيتسە-ءمينيسترى بولىپ يساەۆا گۇلميرا سۇلتانبايقىزى تاعايىندالدى.
قازاقستان ايەلدەرى بۇگىنگى كۇندە ءبىزدىڭ قوعامداعى بارلىق سالالاردا بەلسەندى ەڭبەك ەتۋدە. ولار اگروونەركاسىپتىك كەشەننىڭ دامۋىنا دا ۇلكەن ۇلەس قوسۋدا.
وسىعان وراي, اۋىل شارۋاشىلىعى مينيسترلىگى اوك سالاسىنداعى گەندەرلىك تەڭدىك ماسەلەلەرىنە ۇلكەن كوڭىل بولەدى.
مينيسترلىكتىڭ ورتالىق اپپاراتىندا ايەل قىزمەتكەرلەردىڭ ۇلەسى 50 پايىزدى قۇرايدى. سولاردىڭ ىشىندە 2-ەۋى باسشىلىق قىزمەت اتقارادى. اتاپ ايتقاندا, 2012 جىلى اۋىل شارۋاشىلىعى ۆيتسە-ءمينيسترى بولىپ يساەۆا گۇلميرا سۇلتانبايقىزى تاعايىندالدى.
مينيسترلىك ۆەدومستۆولارى مەن ولاردىڭ اۋماقتىق مەكەمەلەرىندە 1156 ايەل قىزمەتكەر جۇمىس ىستەيدى. ونىڭ 49-ى باسشىلىق قىزمەتتە.
اگرارلىق عىلىم جۇيەسىندەگى (اق «قازاگرويننوۆاتسيا») ايەل عىلىمي قىزمەتكەرلەردىڭ ۇلەسى 41,4 پايىزعا (566 ادام) دەيىن جەتىپ وتىرسا, ونىڭ ىشىندە 22-ءسى عىلىم دوكتورى, 182 ايەلدىڭ عىلىم كانديداتى اتاعى بار.
اۋىل شارۋاشىلىعى سالاسىنداعى ايەلدەر كاسىپكەرلىگىن دامىتۋدىڭ باسىم باعىتتارىنا اۋىل شارۋاشىلىعى ونىمدەرىن دايىنداۋ, قايتا وڭدەۋ جانە ساقتاۋ, كيىم, توقىما بۇيىمدارىنىڭ ءوندىرىسى, قىزمەت كورسەتۋ سالاسى, ۆەتەريناريالىق قىزمەت كورسەتۋ جانە باسقالار جاتادى. اۋىلدىق ايماقتاردا ايەلدەر كاسىپكەرلىگىن دامىتۋ جانە قولداۋ ىسىنە گەندەرلىك ساياسات اياسىندا ەرەكشە كوڭىل بولىنەدى. اۋىل ايەلدەرى ءارتۇرلى, سونىڭ ىشىندە مەملەكەتتىك كوزدەردەن قارجى قۇرالدارىن الۋدا ەر ادامدار مەن تەڭ مۇمكىندىكتەردى پايدالانا الادى, كەيبىر جاعدايلاردا ولارعا باسىمدىق تا بەرىلەدى.
ايەلدەردىڭ كاسىپكەرلىگىن دامىتۋدى قارجىلاي قولداۋدىڭ تۇرلەرىنىڭ ءبىرى «قازاگرو» ۇبح» اق كومپانيالار توبىنىڭ ىسكە اسىراتىن باعدارلامالارى بولىپ تابىلادى. ميكروقارجى شاعىن بيزنەستى دامىتۋدىڭ, اۋىلدىق ايماقتاردا كەدەيلىك دەڭگەيىن قىسقارتۋدىڭ باستى قۇرالى بولىپ تابىلادى. كوپتەگەن اۋىلدىقتارعا جەڭىلدىكتى شاعىن نەسيەلەر بەرىلەدى. وسى مۇمكىندىكتى پايدالانىپ وتىرعان ايەلدەر كوپتەپ كەزدەسەدى.
حولدينگ ىسكە اسىراتىن باعدارلامالار بويىنشا نەسيەلەۋ شارتتارى ەلدىڭ باسقا قارجى ينستيتۋتتارىمەن سالىستىرعاندا كاسىپكەرلەر ءۇشىن اسا ءتيىمدى بولىپ تابىلادى جانە ولار جىنىسىنا قاراماي تەڭ جاعدايدا بەرىلەدى. حولدينگتىڭ ەنشىلەس ۇيىمدارى بەرەتىن نەسيەلەردىڭ قۇنى ەكىنشى دەڭگەيلى بانكتەردىڭ بەرەتىن نەسيەلەرىنىڭ قۇنىنان ەداۋىر تومەن. ونىڭ ۇستىنە ەدب قابىلدامايتىن وتىمدىلىگى تومەن كەپىلدىكتەر دە قابىلدانادى.
2012 جىلى حولدينگتەگى كومپانيالار ايەلدەرگە 38,6 ملرد. تەڭگەنىڭ 1 864 نەسيەسىن ءبولدى, سونىڭ ىشىندە:
«قازاگروقارجى» اق – 28 632,0 ملن. تەڭگە سوماسىنداعى 324 نەسيە;
«اگرارلىق كرەديتتىك كورپوراتسياسى» اق – 7 817,6 ملن. تەڭگە سوماسىنداعى 60 نەسيە;
«اۋىل شارۋاشىلىعىن قارجىلاي قولداۋ قورى» اق – 2 116,6 ملن. تەڭگە سوماسىنداعى 1 480 نەسيە ءبولدى.
وسىنىڭ ناتيجەسىندە ايەلدەر كاسىپكەرلىگىنىڭ بەلسەندى بولا تۇسكەنى بايقالىپ وتىر. ماسەلەن ولارعا 2013 جىلدىڭ ءبىرىنشى جارتىجىلدىعىندا 43,6 ملرد. تەڭگە سوماسىندا 3 313 نەسيە بەرىلدى. بۇل 2012 جىلدىڭ كورسەتكىشىنەن 1,8 ەسە كوپ.
بۇدان وزگە, گەندەرلىك تەڭدىكتى قولداۋ ماقساتىندا 2012 جىلدىڭ اياعىندا «ءساتتى» باعدارلاماسىن جۇزەگە اسىرۋ باستالدى.
2012 جىلى اۋىلدىق اقپاراتتىق-كەڭەس ورتالىقتارىنا جانە «قازاگروماركەتينگ» اق جەرگىلىكتى وكىلدىكتەرىنە اوك سۋبەكتىلەرىنىڭ تىكەلەي ۇندەۋى ارقاسىندا ايەلدەرگە 1 821 كەڭەس كورسەتىلسە, 2013 جىلدىڭ جارتىجىلىندا عانا 1 260 كەڭەس كورسەتىلدى.
رەسپۋبليكا ايماقتارىندا كاسىپكەرلىكتى ىنتالاندىرۋ ماقساتىندا «شاعىن جانە ورتا بيزنەس جەتىستىكتەرى» اتتى بايقاۋ وتكىزىلەدى. وندا «ەڭ ۇزدىك كاسىپكەر ايەل» اتالىمى قاراستىرىلعان. ءماسەلەن, سولتۇستىك قازاقستان وبلىسىنداعى «ەڭ ۇزدىك كاسىپكەر ايەل» اتالىمىنا 2012 جىلى 27 قىز-كەلىنشەك قاتىسسا, بايقاۋ قورىتىندىسى بويىنشا ولاردىڭ 8-ءى ءتۇرلى ماراپاتقا يە بولدى.
ارمان ەۆنيەۆ,
اۋىل شارۋاشىلىعى مينيسترلىگىنىڭ جاۋاپتى حاتشىسى.