شۇباركول كومىر كەنىشىندە سىرت كىسىنى تاڭداندىرماي قويماس عاجايىپ كورىنىس بىردەن باۋرايدى. ەستۋىن ەستىسەك تە, ءبىز بۇرىن كورمەگەن الىپ تەحنيكالاردىڭ نەشە ءتۇرى وسىندا توقايلاسىپتى. جاپونيانىڭ, كانادانىڭ, گەرمانيانىڭ دەيسىز بە, ءبىر ءوزى بيىك ۇيدەي ەكسكاۆاتورلارى, توبەدەي بۋلدوزەرلەرى تومەندەگى كومىر قاباتتارىن قارپىپ ارتسا, تاۋداي جۇك كولىكتەرى تيەلگەن وتىندى قىر بەتىنە اقىرىن ورلەپ جەتكىزىپ جاتادى.
شۇباركول كومىر كەنىشىندە سىرت كىسىنى تاڭداندىرماي قويماس عاجايىپ كورىنىس بىردەن باۋرايدى. ەستۋىن ەستىسەك تە, ءبىز بۇرىن كورمەگەن الىپ تەحنيكالاردىڭ نەشە ءتۇرى وسىندا توقايلاسىپتى. جاپونيانىڭ, كانادانىڭ, گەرمانيانىڭ دەيسىز بە, ءبىر ءوزى بيىك ۇيدەي ەكسكاۆاتورلارى, توبەدەي بۋلدوزەرلەرى تومەندەگى كومىر قاباتتارىن قارپىپ ارتسا, تاۋداي جۇك كولىكتەرى تيەلگەن وتىندى قىر بەتىنە اقىرىن ورلەپ جەتكىزىپ جاتادى.
ءشومىشىنىڭ سىيىمدىلىعى 21 تەكشە مەتر بولاتىن, كەن قىرتىسىن ءبىر اساعاندا-اق 220 توننالىق نەمىستىڭ اۋىر كولىكتەرىن جۇككە تولتىراتىن ايگىلى Hitaci گيدراۆليكالىق ەكسكاۆاتورلارى جۇمىس ىستەۋدە. ولاردىڭ الىمدىلىعى ارقاسىندا وتىن ءوندىرۋ كولەمى بيىل 9 ميلليون تونناعا جەتكەلى وتىر. سونداي-اق, كومىردى لكۋ-1400 لەنتالى كونۆەيەرى ارقىلى جوعارى كوتەرۋ جۇمىستارى دا اتقارىلۋدا.
وسىناۋ كۇردەلى تەحنيكالار ءتىلىن مەڭگەرىپ, ونى باسقارۋدى ۇرشىقشا ۇيىرۋشىلەر كىلەڭ جەرگىلىكتى جىگىتتەر ەكەنىن بىلگەندە, سۇيسىنگەنىمىزدى جاسىرا المادىق. جاپونيانىڭ ەكسكاۆاتورىن كومەكشى سەرىكتەستەرىمەن بىرگە باعىندىرۋشى ەربول الكەەۆ ءوز ءىسىن جەتىك مەڭگەرگەن شەبەرلەردىڭ ساپىنا قوسىلىپ الىپتى. جاڭا تەحنيكانى يگەرۋگە بەيىمى مەن ۇمتىلىسى بار ازاماتتاردى قايتادان وقىتىپ, كەنىشتەگى ەڭ مارتەبەلى ماماندىققا توسەلدىرۋگە قامقورشى ERNC كومپانياسى ونىڭ دا تالابىن ۇشتاۋىنا مۇمكىندىك جاساعان. ءسويتىپ, ارناۋلى كۋرستا تاجىريبە جەتىلدىرىپ كەلگەن ەربول مىنە, ەندى مايتالمان ەكسكاۆاتورشىلاردىڭ ماڭدايالدىلارى قاتارىنا قوسىلعان.
– كادرلاردى جەرگىلىكتى ەڭبەككەرلەر قاتارىنان تولىقتىرۋعا, كاسىبي بىلىكتىلىكتى كوتەرۋگە دەگەن كومپانيانىڭ ىنتا-ىقىلاسى مەنى دە شاپاعاتىنا بولەدى. اۋىر جۇك كولىگىنىڭ جۇرگىزۋشىسى رايىس ىبراەۆ, جاۋاپتى بۋىندار جۇمىسشىلارى قۋانتقان باقتىبەك, ەركەبۇلان سىزدىقوۆ كەشەگى ءوزىم سياقتى ارناۋلى ماماندىعى جوق جاستار ەدى. قازىر ارقايسىسى ارىپتەستەرىنىڭ ماقتانىشى. ءبىلىم تەرەڭدەتۋدى, بىلىكتىلىك كۇشەيتۋدى قالاۋشىلارعا جول اشىق. شۇباركول كەنتىنىڭ تۇرعىندارى, كەنىش ەڭبەككەرلەرىنىڭ بالالارى كومپانيا ەسەبىنەن جوعارى وقۋ ورىندارىندا وقىپ جاتىر. 2002 جىلعا دەيىن كومىر ءوندىرۋ كولەمىن 10 ميلليون توننادان 20 ميلليون تونناعا جەتكىزۋ كوزدەلگەن ەدى. بۇل ماقساتتى ىسكە اسىراتىن لايىقتى كادرلار قاتارى ارتا تۇسۋدە, – دەيدى ەربول.
كەنىشتە قالىپتاسقان ۇردىسكە وراي جاقىندا «ۇزدىك مامان» بايقاۋى ءوتتى. ەسىمدەرى اتالعان جىگىتتەر – سوندا جەڭىمپاز اتانعاندار. الىستان شاقىرماي-اق, تۇرعىلىقتى ازاماتتاردى كەلەشەگى كەڭ جۇمىسقا تارتىپ, ماماندىق مەڭگەرتىپ, ءومىر قۋانىشىنا بولەۋ الىستاعى شۇباركولدە بەرىك ءداستۇر رەتىندە قالىپتاسۋدا.
ايقىن نەسىپباي,
«ەگەمەن قازاقستان».
قاراعاندى وبلىسى,
شۇباركول كەنىشى.