الەمنىڭ جەتەكشى ۋنيۆەرسيتەتتەرىنىڭ سoursera پلاتفورماسىنىڭ ءبىلىم بەرۋ كۋرستارى ەندى الماتىلىقتارعا قولجەتىمدى. الماتى قالاسى تسيفرلاندىرۋ باسقارماسىنىڭ حابارلاۋىنشا, بيىلعى جىلدىڭ 30 قىركۇيەگىنە دەيىن سoursera ونلاين-ءبىلىم بەرۋ پلاتفورماسىندا تىركەلەتىن الماتىلىقتارعا الەمنىڭ جەتەكشى ۋنيۆەرسيتەتتەرىنىڭ كۋرستارى تەگىن بولادى, دەپ حابارلايدى Egemen.kz
سoursera ونلاين ءبىلىم بەرۋ كومپانياسىمەن كەلىسىم اياسىندا ءبىزدىڭ قالانىڭ تۇرعىندارىنا كۋرستاردى تەگىن ءوتۋ ءۇشىن 5000 ورىن الىنعانىن ەسكە سالامىز. بۇگىنگى تاڭدا ادامداردىڭ 61 پايىزى قوسىلىپ, كۋرستاردان ءساتتى وتۋدە. قاتىسامىن دەۋشىلەرگە قىركۇيەك ايىنىڭ سوڭىنا دەيىن تىركەلۋ مۇمكىندىك بار, سونىمەن بىرگە اعىمداعى جىلدىڭ سوڭىنا دەيىن تەگىن كۋرستاردى پايدالانا الادى.
وسىلايشا, كەز كەلگەن الماتىلىقتار ۇيدەن شىقپاي-اق, Stanford University, University of Pennsylvania, Princeton University, University of Michigan, Peking University سياقتى الىپ وقۋ ورىندارىنىڭ وتكىزەتىن كۋرستاردىڭ ستۋدەنتى اتانا الادى.
كەلىسىمشارتقا سايكەس, 2020 جىلدىڭ 30 قىركۇيەگىنە دەيىن تىركەۋدەن وتكەندەرگە 2020 جىلدىڭ 31 جەلتوقسانىنا دەيىن تەگىن قاتىسۋ مۇمكىندىگى بار. تىركەلۋ ءۇشىن ءوتىنىمدى almaty.coursera@mail.kz سايتىنا مىنا مالىمەتتەردى مىندەتتى تۇردە كورسەتۋ كەرەك: اتى-ءجونى; قىزمەت ءتۇرى; ەلەكتروندى مەكەنجايى.
ءارى قاراي, 4 كۇن ىشىندە كورسەتىلگەن ەلەكتروندىق مەكەنجايعا شاقىرۋ كەلەدى.
ونلاين دارىستەر ارقىلى تىركەلگەننەن كەيىن ستۋدەنت كەلەسى باعىتتار بويىنشا كۋرستاردى يگەرە الادى: IT, قولدانبالى جانە گۋمانيتارلىق عىلىمدار, ەكونوميكا, مەديتسينا, مەنەدجمەنت, ماركەتينگ. كۋرس اياقتالعاننان كەيىن ستۋدەنت راستايتىن سەرتيفيكات الادى. ايتا كەتۋ كەرەك, سoursera-دا ەكى اپتادان استام ۋاقىت بويى جەكە كابينەتتى پايدالانباعان جاعدايدا, تىركەلۋ جويىلادى.
تولىق اقپاراتپەن https://digital-almaty.kz/ru/content/03-avgusta-2020-5000-besplatnyh-licenziy sourseraorg-predostavleny-almatincam-dlya سايتىنان تانىسۋعا بولادى.