بۇل تۋرالى وڭىرلىك كوممۋنيكاتسيالار قىزمەتى الاڭىندا وتكەن ونلاين بريفينگ بارىسىندا الماتى قالاسى ءبىلىم باسقارماسى باسشىسىنىڭ ورىنباسارى قايرات جۇمانوۆ ايتتى, دەپ حابارلايدى Egemen.kz.
ەستەرىڭىزگە سالا كەتەيىك, مەكتەپ اۋماعىندا كوروناۆيرۋس ينفەكتسياسىنىڭ تارالۋىن بولدىرماۋ ماقساتىندا 2020 جىلدىڭ 1 قىركۇيەگىنەن باستاپ وقۋشىلاردى قاشىقتان وقىتۋ فورماتىنا كوشىرىلدى. سونىمەن قاتار, قالا اكىمشىلىگى وقۋشىلار مەن مۇعالىمدەردىڭ قاجەتتى تەحنيكالىق قۇرالدارىمەن قامتاماسىز ەتۋ بويىنشا شارالار قابىلدادى.
"الماتى قالاسىنىڭ ءبىلىم باسقارماسى كومپيۋتەرلىك تەحنيكاسى جوق وتباسىنداعى بالالاردى كومپيۋتەرلىك تەحنيكامەن قامتاماسىز ەتۋ جۇمىستارىن جالعاستىرۋدا. بيىلعى جىلدىڭ 10 قىركۇيەگىندەگى جاعداي بويىنشا بارلىعى 51 720 كومپيۋتەرلىك تەحنيكا بەرىلدى", – دەدى قايرات جۇمانوۆ.
ماسەلەن بۇگىنگى كۇنى:
– جان باسىنا قارجىلاندىرۋ بويىنشا مەكتەپتەر 9 120 نوۋتبۋك ساتىپ الىپ, جەتكىزدى;
– جەرگىلىكتى بيۋدجەت ەسەبىنەن 22 212 پلانشەت ساتىپ الىنىپ, جەتكىزىلدى; 11 042 كومپيۋتەر ساتىپ الىندى, ونىڭ 2 مىڭى جەتكىزىلدى; قالعان 9 مىڭى اعىمداعى جىلدىڭ 15 قىركۇيەگىنە دەيىن جەتكىزىلەدى;
– 38 591 دانا كومپيۋتەرلىك تەحنيكا ۇكىمەتتىڭ رەزەرۆتىك قورى ەسەبىنەن ساتىپ الىنىپ, 18 388 كومپيۋتەر مەن نوۋتبۋك جەتكىزىلدى; قالعان 5 203 پلانشەت پەن 15 000 نوۋتبۋك 15 قىركۇيەككە دەيىن جەتكىزىلەدى.
سونىمەن قاتار, قايرات جۇمانوۆ دەمەۋشىلىك كومەك ەسەبىنەن دە ۇلكەن كومەك كورسەتىلەتىنىن اتاپ ءوتتى:
150 نوۋتبۋكتى قر سىرتقى ىستەر مينيسترلىگى, "قازاقستاندىق ديپلوماتتار بىرلەستىگى" جانە قر بالا قۇقىقتارى جونىندەگى ۋاكىلى ارۋجان ساين الەۋمەتتىك وسال توپتاعى وتباسىلاردىڭ بالالارىنا بەردى.
"ساليقالى ۇرپاق" قوعامدىق قورىنىڭ دەمەۋشىلەرى 500 نوۋتبۋك ۇسىندى.
"مەكتەپكە جول" اكتسياسى اياسىندا "Nur Otan" قالالىق فيليالى الەۋمەتتىك از قامتىلعان وتباسىلارعا 1,5 مىڭ پلانشەت پەن 1000 مەكتەپ قۇرالدارىن بەردى.