شانحاي ىنتىماقتاستىق ۇيىمى سىرتقى ىستەر مينيسترلەرى كەڭەسىنىڭ وتىرىسىنا قاتىسۋ اياسىندا قازاقستان رەسپۋبليكاسىنىڭ سىرتقى ىستەر ءمينيسترى مۇحتار تىلەۋبەردى رەسەي فەدەراتسياسىنىڭ سىرتقى ىستەر ءمينيسترى سەرگەي لاۆروۆپەن كەزدەستى, دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.
كەلىسسوزدەر بارىسىندا سىرتقى ساياسي ۆەدومستۆولاردىڭ باسشىلارى ساياسي, ەكونوميكالىق, ترانزيت-كولىكتىك سالالارداعى قازاقستان-رەسەي ىنتىماقتاستىعىنىڭ قازىرگى جاعدايى مەن دامۋ پەرسپەكتيۆالارىن, تمد, ەاەو, ۇقشۇ, شىۇ جانە اوسشك سياقتى حالىقارالىق ۇيىمدار مەن وڭىرلىك ينتەگراتسيالىق بىرلەستىكتەر اياسىنداعى ەكى ەلدىڭ ءوزارا ءىس-قيمىلىن تالقىلادى.
كەلىسسوزدەردىڭ نەگىزگى تاقىرىپتارى - حالىقارالىق كۇن تارتىبىندەگى وزەكتى ماسەلەلەر, ونىڭ ىشىندە جاھاندىق جانە وڭىرلىك قاۋىپسىزدىكتى قامتاماسىز ەتۋ.
تاراپتار سونداي-اق وسى جىلدىڭ سوڭىنا دەيىن جوسپارلانعان اسا جوعارى جانە جوعارى دەڭگەيدەگى ەكىجاقتى جانە كوپجاقتى ءىس-شارالاردى دايىنداۋ ماسەلەلەرىن تالقىلادى.
كەزدەسۋ قورىتىندىسى بويىنشا 2000 جىلعى 9 قازانداعى استراحان قالاسىندا قازاقستان رەسپۋبليكاسىنىڭ كونسۋلدىعىن جانە ورال قالاسىندا رەسەي فەدەراتسياسىنىڭ كونسۋلدىعىن اشۋ تۋرالى ۇكىمەتارالىق كەلىسىمگە حاتتاماعا قول قويىلدى.
قۇجاتقا سايكەس استراحانداعى قر كونسۋلدىعى استراحان, ۆولگوگراد, ورىنبور, سامارا جانە ساراتوۆ وبلىستارىنىڭ اۋماقتارىن قامتيتىن باس كونسۋلدىققا اينالادى.