گرەكيا ەلىندە ديماش قۇدايبەرگەننىڭ شىعارماشىلىعىن ناسيحاتتايتىن جاڭا ونلاين راديو اشىلدى, دەپ حابارلايدى Egemen.kz حابار 24-كە سىلتەمە جاساپ.
Dimash Greece قازاق ونەرپازىنىڭ اندەرىن تاۋلىك بويى ترانسلياتسيالايدى, دەپ حابارلادى dimashnews.com. راديوستانتسيا الەمدىك عالامتور جەلىسىنە شىلدە ايىنان باستاپ شىعا باستادى. اپتانىڭ 7 كۇنىندە تاۋلىگىنە 24 ساعات جەلىدە ديماش قۇدايبەرگەننىڭ اندەرى شىرقالادى.
سۇيىكتى انشىلەرىنىڭ شىعارماشىلىعىن ءوز ەلىندە كەڭىنەن ناسيحاتتاۋ ءۇشىن گرەكياداعى Dear-لار راديو ءساتتى ءارى ناتەجيەلى شەشىم بولاتىنىنا سەنىمدى. Dimash Kudaibergen Greece فان-كلۋبىنىڭ اكىمشىسى لەنا ۆورك ونلاين راديو ارقىلى گرەكياداعى ديماشتىڭ شىعارماشىلىعىنا تابىنۋشىلاردىڭ قاتارىن ارتتىرماقشى. ويىن جۇزەگە اسىرۋ ءۇشىن وزگە ەلدەگى فان-كلۋبتاردىڭ تاجىريبەسىن مەڭگەرگەن. تالداۋ جاساي وتىرىپ, ءوزىنىڭ راديوستانتسياسىن ىسكە قوستى. گرەكياداعى ديماشتىڭ فان-كلۋبى جۋىردا عانا وزدەرىنىڭ 2 جىلدىعىن اتاپ ءوتتى.
ولار ديماشتىڭ شىعارماشىلىعىنا قاتىستى شارالار ۇيىمداستىرىپ, قازاق ۇلىنىڭ ونەرىن ناسيحاتتاۋدا بەلسەندى ىستەر اتقارىپ ءجۇر. بۇعان دەيىن پولشادا "ديماش" راديوسى اشىلعان ەدى.