اعايىن-تۋىسىنداي جاقىن ارالاساتىن تانىسىنىڭ ۇيىنەن 14 200 دوللارى مەن زەرگەرلىك بۇيىمداردى ۇرلاپ كەتكەن. اتالعان دەرەكتى وبلىستىق پوليتسيا دەپارتامەنتى راستاپ وتىر, دەپ حابارلايدى Egemen.kz
"28 تامىزدا ساعات 08:30-12:30 ارالىعىندا 47 جاستاعى ازامات اتىراۋ ىقشاماۋدانىندا تۇراتىن تانىسىنىڭ ۇيىنە كەدەرگىسىز كىرگەن. ءۇي يەلەرىنىڭ جوقتىعىن پايدالانىپ, 14 200 اقش دوللارى مەن زەرگەرلىك بۇيىمداردى ۇرلاعان. پوليتسيا قىزمەتكەرلەرى تانىسىنا 5 960 000 تەڭگە كولەمىندە زالال كەلتىرگەن ۇرىنى انىقتاپ, ۇستادى. ودان ايعاق زات رەتىندە قولدى بولعان شەتەل ۆاليۋتاسى مەن زەرگەرلىك بۇيىمدار تابىلدى", دەپ حابارلادى وبلىستىق پوليتسيا دەپارتامەنتىنىڭ ءباسپاسوز قىزمەتى.
قازىر تانىسىن ساز وتىرعىزۋدى ويلاعان ۇرىعا قاتىستى قر قىلمىستىق كودەكستىڭ 188-بابىمەن سوتقا دەيىنگى تەرگەۋ باستالدى.