قۇرمانعازى اۋدانىنىڭ تۇرعىنى ۇيىندە ەسىرتكى, قارۋ مەن وق-دارىلەردى زاڭسىز ساقتاپ, اۋلاسىندا قاراسورانى وسىرگەنى ءۇشىن قاماۋعا الىندى, دەپ حابارلايدى Egemen.kz.
"55 جاستاعى ازاماتتىڭ مەكەنجايىنان 43 ورامعا ءبولىنىپ سالىنعان 900 گرامم قاراسورا, 16-كاليبرلى اڭشى مىلتىعى, 50 دانا وق-ءدارى, 62 دانا گيلزا تابىلدى. سونداي-اق, ونىڭ اۋلاسىندا قۇرامىندا ەسىرتكى زاتتارى بار وسىمدىكتەردى وسىرگەنى انىقتالىپ, 178 ءتۇپ قاراسورا الىندى", دەپ حابارلادى وبلىستىق پوليتسيا دەپارتامەنتىنىڭ ءباسپاسوز قىزمەتى.
دەپارتامەنتتىڭ مالىمەتىنشە, زاڭسىز ارەكەتكە بارعان ازامات ۋاقىتشا وقشاۋلاۋ يزولياتورىنا قاماۋعا الىندى. وعان قاتىستى قر قىلمىستىق كودەكسىنىڭ "قۇرامىندا ەسىرتكى زاتتارى بار وسىرۋگە تيىم سالىنعان وسىمدىكتەردى زاڭسىز وسىرگەنى" جانە "ەسىرتكى زاتتاردى وتكىزۋ ماقساتىنسىز زاڭسىز دايىنداپ, كەپتىرىپ, ۇگىتىپ ساتۋ" باپتارىمەن سوتقا دەيىنگى تەرگەۋ جۇرگىزىلۋدە. سونداي-اق, قر اكىمشىلىك قۇقىق بۇزۋشىلىق تۋرالى كودەكسىنىڭ 482-بابىمەن (قارۋدى زاڭسىز ساقتاۋ) اكىمشىلىك حاتتاما راسىمدەلدى.