ءار اتا-انانىڭ ارمانى – ۇرپاق ءسۇيۋ. الايدا, بار ادامنىڭ قالاۋى ۇنەمى ورىندالا بەرمەيدى. بىراق, ءالى دە ءۇمىتىن ۇزبەي, ەندى ەكو تاسىلىنە جۇگىنەتىندەر كوبەيدى. قازىر اتىراۋ وبلىسىندا جاساندى جولمەن بالالى بولۋدىڭ كەزەگىنە 722 جۇپ تىركەلگەن, دەپ حابارلايدى Egemen.kz.
وبلىستىق دەنساۋلىق ساقتاۋ باسقارماسى ءباسپاسوز قىزمەتى تاراتقان اقپاراتقا قاراعاندا, اتىراۋدا دا ەكو تاسىلىمەن ۇرىقتاندىراتىن مەكەمەنىڭ ءبىرى بار ەكەن. ال جاساندى جولمەن بالالى بولۋدان ءۇمىتتى ايەلدەردىڭ باسىم بولىگىن 24-42 جاستاعىلار قۇراپ وتىر.
«بيىل وبلىستا 37 جۇپقا ەكستراكورپورالدى ۇرىقتاندىرۋعا كۆوتا بەرىلدى. بىلتىر وسىنداي كۆوتا 30 جۇپ العان ەدى» - دەپ حابارلادى باسقارماىڭ ءباسپاسوز قىزمەتى.