وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى تەڭىز جاعالاۋىنداعى باتپاقتا وسكەن قامىستىڭ تاعى دا ورتەنگەنىن حابارلاپ وتىر. ءورت 1 قىركۇيەكتە ساعات 19:45-تە عارىشتىق باقىلاۋ مونيتورينگى ارقىلى انىقتالىپتى, دەپ حابارلايدى Egemen.kz
"توتەنشە جاعدايلار دەپارتامەنتىنىڭ 3 قىزمەتكەرى وقيعا ورنىنا بارىپ, ءورتتىڭ اتىراۋ قالاسىنان شامامەن 35 كم قاشىقتا, كاسپي تەڭىزىنىڭ باتپاقتى جاعالاۋىندا ورىن العانىن انىقتادى. 2 قىركۇيەكتە دەپارتامەنت باستىعىنىڭ ورىنباسارى, ازاماتتىق قورعاۋ پولوكۆنيگى ر. بليالوۆتىڭ باسشىلىعىمەن "Eurocopter" 145 UP-ەس033" تىكۇشاعىمەن كاسپي تەڭىزىنىڭ جاعالاۋى مەن "اق جايىق" مەملەكەتتىك تابيعي رەزەرۆاتى اۋماعىنىڭ شەكاراسىنداعى قامىس ورتىنە اۋەدەن بارلاۋ جاسالدى. بارلاۋ كەزىندە "ۆەستا" اۋدانىندا شامامەن 500-800 شارشى مەتر بولاتىن ءۇش وشاق انىقتالدى. بۇرىن ورتەنگەن قامىستىڭ ورنى تۇتىندەپ جاتىر. ورتەنگەن اۋماقتىڭ جالپى اۋدانى 2 گەكتاردى قۇرايدى", دەپ حابارلادى دەپارتامەنتتىڭ ءباسپاسوز قىزمەتى.