ەر ادام تۇرعىن ءۇي كەشەنىنىڭ اۆتوكولىك تۇراعىندا بولىپ, اشىق تۇرعان اۆتوكولىكتى كورىپ اۆتوكولىك سالونىنىڭ الدىڭعى ورىندىعىندا تۇرعان بارسەتكانى جىمقىرعان. بۇل تۋرالى نۇر-سۇلتان قالالىق پوليتسيا دەپارتامەنتىنە سىلتەمە جاساي وتىرىپ Egemen.kz حابارلايدى.
بۇل ۋاقىتتا ماشينانىڭ يەسى ارتقى ورىندىقتا ۇيىقتاپ جاتقان, ول ۇرىنى توقتاتۋعا تىرىسقان, الايدا ول ىشىندە قۇجاتتار مەن بانك كارتاسى بولعان سومكەنى ءىلىپ الىپ, قىلمىس جاسالعان ورىننان قاشىپ كەتكەن. جابىرلەنۋشى بەردەن "102" ارناسىنا جۇگىنگەن.
اۋداندى پىسىقتاۋ بارىسىندا بەينەكامەرادان سيپاتتالعان بەلگىلەرى بويىنشا ۇقساس ەر ادام بايقالعان. پاترۋلدىك پوليتسەيلەر قىلمىستىڭ ءىزى سۋىماستان ۇرىنى سالىنىپ جاتقان قۇرىلىس نىسانىنان ۇستاپ العان. پوليتسيادان جاسىرىنا وتىرىپ, ونى تابا الماي قالادى دەگەن ۇمىتپەن جاس جىگىت قۇرىلىسشىلاردىڭ بۋدكاسىنا قاراي جۇگىرگەن. الايدا ول ۇستالىپ, پوليتسيا باسقارماسىنا جەتكىزىلگەن.
ۇستالعان ادام 29 جاستاعى جۇمىسسىز قالا تۇرعىنى بولىپ شىققان. ونى ءبىر ايدىڭ كولەمىندە جەدەل قىزمەتكەرلەر ۆەلوسيپەد ۇرلىعىن جاساعانى ءۇشىن ۇستاعان.
ۇستالعان ازامات نۇر-سۇلتان قالاسى پوليتسيا دەپارتامەنتىنىڭ ۋاقىتشا ۇستاۋ يزولياتورىنا قامالدى. قازاقستان رەسپۋبليكاسى قك-ءنىڭ 191-بابى 1-بولىگى بويىنشا ("توناۋ") سوتقا دەيىنگى تەرگەپ-تەكسەرۋ جۇرگىزىلۋدە. ونىڭ بۇعان دەيىن ەلوردا اۋماعىندا جاسالعان وسىعان ۇقساس قىلمىستارعا قاتىستىلىعى تەكسەرىلۋدە.