حالىققا قالتقىسىز قىزمەت ەتىپ وتىرعان «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ قاشاندا شارۋاسى شاش ەتەكتەن. بۇل مەكەمە مەملەكەتتىڭ بۇكىل قۇجاتتارىن رەتتەپ, راسىمدەپ قانا قويماي, تالاي جاستاردىڭ ماحابباتىنىڭ كۋاسى بولىپ, قازاقستاندىق جاس وتباسىلار قاتارىن كوبەيتۋگە ءوز ۇلەسىن قوسىپ كەلەدى.
وعان دالەل, جىل سايىن الماتى فيليالىنىڭ وزىندە 25-30 وتباسى قۇرىلىپ جاتادى. بيىل دا ماحابباتتىڭ قۇدىرەت كۇشىمەن جۇپ بولىپ, وتاۋ تىگىپ جاتقاندار بار.
«الماتى قالاسى فيليالىنىڭ وزىندە, ونىڭ بارلىق اۋداندارىنداعى فرونت-وفيستەر مەن بەك-وفيستەرىندە, مامانداندىرىلعان حقو-لارىندا 2 مىڭعا جۋىق مامان جۇمىس ىستەيدى. ونىڭ 70 پايىزى جاستار. جوعارى وقۋ ورىندارى مەن كوللەدجدەردەن ماماندىق العان جاستار, ەڭبەك جولىن حقو-لاردا باستاپ جاتادى. ارينە, وتباسىلىق ومىرلەرى دە وسى جەردەن باستالاتىندار از ەمەس. وسى كۇنگە دەيىن فيليال 100-گە جۋىق وتباسىنىڭ تۇساۋىن كەستى», دەيدى فيليال ديرەكتورى دانيار قىرىقباەۆ.
باقىتىن «ازاماتتارعا ارنالعان ۇكىمەتتەن» تاپقان سونداي جۇپتاردىڭ ءبىرى – عۇناري ماتسۋبا مەن ءلاززات باشكەەۆا. ولاردىڭ حقو-دا جۇمىس ىستەگەندەرىنە 10 جىلعا جۋىقتاعان. وسى جىلدار ىشىندە ءبىر-بىرىنە دەگەن ماحابباتى مەن سەنىمى نىقتالعان جاستار شاڭىراق كوتەرىپ, وتاۋ قۇردى.
الماتى