ەرلان تۇرعىمباەۆ: پوليتسيا قىزمەتىن "پوليتسيا قادامدىق قولجەتىمدىلىكتە" قاعيداتى بويىنشا رەفورمالاۋعا كىرىسەمىز

مەملەكەت باسشىسىنىڭ قازاقستان حالقىنا ارناعان جولداۋىندا ەلىمىزدىڭ قۇقىق قورعاۋ جۇيەسىن ماڭىزدى ينستيتۋتسيونالدىق قايتا قۇرۋ جولدارى ايقىندالعان. ءىىم قۇزىرەتى شەڭبەرىندە ولاردى ىسكە اسىرۋ بويىنشا مىناداي شارالار قابىلدانادى. ءبىرىنشى. توتەنشە جاعدايلار مينيسترلىگىن قايتا قۇرۋ تۋرالى قابىلدانعان شەشىمدى ەسكەرە وتىرىپ, قازىرگى ۋاقىتتا دايىندىق جۇمىستارى جۇرگىزىلۋدە. م ۇلىكتى بەرۋ بويىنشا قاجەتتى راسىمدەردى جۇرگىزۋ ءۇشىن ءتيىستى كوميسسيا قۇرىلادى.

"ەكىنشى. "حالىق ۇنىنە قۇلاق اساتىن مەملەكەت" تۇجىرىمداماسى اياسىندا جەرگىلىكتى پوليتسيا قىزمەتىن "پوليتسيا قادامدىق قولجەتىمدىلىكتە" قاعيداتى بويىنشا رەفورمالاۋعا كىرىسەمىز. بۇل جەردە باستى ءرول قۇقىق بۇزۋشىلىقتىڭ الدىن الۋ سالاسىنداعى نەگىزگى بۋىن بولىپ تابىلاتىن ۋچاسكەلىك پوليتسيا ينسپەكتورلارىنا بەرىلەدى. ولاردىڭ مارتەبەسىن ارتتىرۋ بويىنشا زاڭنامالىق سيپاتتاعى شارالار ازىرلەنۋدە", دەدى ە.تۇرعىمباەۆ.

سونداي-اق ولاردىڭ جۇمىسىنىڭ تيىمدىلىگىن ارتتىرۋ ماقساتىندا وسى ماتەريالدىق-تەحنيكالىق قامتاماسىز ەتۋ قىزمەتىن شتاتتىق نىعايتۋ, ونىڭ ىشىندە پوليتسيانىڭ ۋچاسكەلىك پۋنكتتەرىمەن جاراقتاندىرۋ ماسەلەلەرىن پىسىقتاۋ كوزدەلىپ وتىر. قازىر ەلىمىزدە بار 2,8 مىڭ ۋچاسكەلىك پوليتسيا پۋنكتتەرىنىڭ 1400-ءى بۇگىندە جوندەۋدى قاجەت ەتەدى. قوسىمشا 279 ۋچاسكەلىك پۋنكت سالۋ جانە 1,5 مىڭ بىرلىك قىزمەتتىك اۆتوكولىك ساتىپ الۋ قاجەت.

ءۇشىنشى. سونداي-اق پەنيتەنتسيارلىق مەكەمەلەردە جانە پوليتسيانىڭ قىزمەتتىك ءۇي-جايلارىندا جاپپاي بەينەباقىلاۋ ەنگىزۋ تۋرالى تاپسىرمانى ىسكە اسىرۋ بويىنشا شارالار قابىلدانۋدا.

ء"تورتىنشى. ءىىم سىبايلاس جەمقورلىققا قارسى كۇرەس بويىنشا العا قويىلعان مىندەتتەر اياسىندا مىناداي شارالار قابىلدانۋدا. سىبايلاس جەمقورلىققا قارسى قىزمەتپەن جانە ازاماتتىق قوعام ينستيتۋتتارىمەن بىرلەسىپ ءتيىستى ۇشجاقتى جوسپار ىسكە اسىرىلۋدا", دەپ اتاپ ءوتتى مينيستر. جالپى العاندا, سوڭعى 3 جىلدا سىبايلاس جەمقورلىق قىلمىستارىنىڭ سانى 33%-عا قىسقاردى.