وڭىردە ەكى كۇننىڭ بىرىندە ءورت شىعادى

ەكىباستۇز قالاسى لومونوسوۆ كوشەسىندە ورنالاسقان بەس قاباتتى ءۇيدىڭ بەسىنشى قاباتىنداعى ءبىر بولمەلى پاتەردەگى ءورت تۋرالى حابارلاما توتەنشە جاعداي دەپاراتمەنتى كەزەكشىسىنىڭ پۋلتىنە ساعات 20:23-تە كەلىپ تۇسكەن.

ءورت ورنىنا ءتۇسىپوۆ ديدار مەن بۋتەنەۆ رۋسلان باستاعان №2 مامانداندىرىلعان ءورت ءسوندىرۋ ءبولىمىنىڭ جانە №6 ءورت ءسوندىرۋ ءبولىمىنىڭ قاراۋىل بولىمشەلەرى جەدەل كەلىپ جەتتى.

ءورت سوندىرۋشىلەر كەلگەنگە دەيىن ءورت  شىققان پودەزدەن ارالارىندا بالالار بار تۇرعىندار شىعىپ ۇلگەرەدى. ءورت سوندىرۋشىلەر پاتەرلەردەن تاعى دا 10 ادامدى الىپ شىققان.

جانۋ نۇكتەسى ورىن العان پاتەردىڭ ەسىگى جابىق ەكەنىن انىقتالدى. №2  بولىمشە كومانديرى بەكوۆ جانات پەن ءورت ءسوندىرۋشى-قۇتقارۋشى مۇقاجانوۆ ناۋرىز ارنايى قۇرالدىڭ كومەگىمەن تەمىر ەسىكتى اشىپ, ەكى ادامدى سىرتقا شىعارىپ, جەدەل جاردەم بريگاداسىنا تابىستايدى.

ءورت سوندىرۋشىلەردىڭ جەدەل ءىس-قيمىلدارى بارىسىندا ءورت ء سوندىرىلدى.

سونىمەن بىرگە,  پاۆلودار-نۇر-سۇلتان اۆتوموبيل جولىندا Mitsubishi Pajero Sport اۆتوكولىگى تولىعىمەن جانىپ كەتكەن ءورت وقياعسى تىركەلدى.

وقيعا ورنىنا كەلگەن ءورت سوندىرۋشىلەر سىيىمدىلىعى بەس ليتر ەكى گاز باللونىن جانە سىيىمدىلىعى 20 ليتر ديزەلدى وتىنى بار ءبىر كانيستردى ەۆاكۋاتسيالادى. ءورت ەلەكتر سىمدارىنىڭ قىسقا تۇيىقتالۋىنان شىققان.

​وڭىرلىك توتەنشە جاعدايلار دەپارتامەنتى وبلىس تۇرعىندارى مەن قوناقتارىنا وبلىس اۋماعىندا ءورتتىڭ الدىن الۋعا باعىتتالعان ايلىق ءوتىپ جاتقانىن ەسكە سالادى جانە ءورت قاۋىپسىزدىگى ەرەجەلەرىن ساقتاۋدى سۇرايدى.

پاۆلودار وبلىسى

سۋرەتتى تۇسىرگەن: ەربول تەمىر