وبلىستىق پوليتسيا دەپارتامەنتىنىڭ ءباسپاسوز قىزمەتى قاندى وقيعانىڭ 30 تامىزدا اتىراۋ قالاسىنداعى اۆانگارد-3 ىقشاماۋدانىندا بولعانىن ءمالىم ەتتى, دەپ حابارلايدى Egemen.kz.
"تۇنگى ساعات 00:30 شاماسىندا كورشى تۇراتىن 47 جانە 53 جاستاعى تۇرعىندار بىرگە الكوگولدىك ىشىمدىك ىشكەن. ولار ءوزارا جانجالداسىپ قالعان. سول كەزدە 47 جاستاعى ازامات كورشىسىن پىشاقپەن جاراقاتتاعان. اۋىر دەنە جاراقاتىن العان 1967 جىلعى تۇرعىن وقيعا ورنىندا كوز جۇمعان", - دەپ حابارلادى دەپارتامەنتتىڭ ءباسپاسوز قىزمەتى.
كورشىسىن پىشاقتاپ ولتىرگەن قانىپەزەر ۋاقىتشا ۇستاۋ يزولياتورىنا قامالدى. اتالعان دەرەككە قاتىستى ساراپتاما تاعايىندالىپ, سوتقا دەيىنگى تەرگەۋ جۇرگىزىلىپ جاتىر.