"قازگيدرومەت" رمك 1 قىركۇيەككە ارنالعان اۋا رايى بولجامىن جاريالادى, - دەپ حابارلايدى Egemen.kz.
1 قىركۇيەكتە قازاقستان اۋماعىنان اتموسفەرالىق اعىنداردىڭ وتۋىنە بايلانىستى رەسپۋبليكانىڭ باسىم بولىگىندە اۋا رايى قۇبىلمالى بولادى. رەسپۋبليكانىڭ كەي جەرلەرىندە جاڭبىر جاۋىپ, نايزاعاي وينايدى.
ەلىمىزدىڭ تەك وڭتۇستىك, وڭتۇستىك-باتىسىندا عانا اۋا رايى جاۋىن-شاشىنسىز. قازاقستاننىڭ كەي بولىگىندە عانا تۇمان ءتۇسىپ, جەل كۇشەيەدى.
سولتۇستىكتە بۇرشاق جاۋى مۇمكىن. اقمولا, قوستاناي وبلىستارىنىڭ كەي جەرلەرىندە نايزاعاي ويناپ, تۇمان تۇسەدى, جەل سەكۋندىنا 15-20 مەتر جىلدامدىقپەن ۇيتقيدى. اقمولا وبلىسىندا بۇرشاق جاۋى مۇمكىن.
سولتۇستىك قازاقتان وبلىسىنىڭ كەي جەرلەرىندە نايزاعاي ويناپ, تۇمان تۇسەدى.
قاراعاندى, تۇندە پاۆلودار وبلىستارىنىڭ كەي جەرلەرىندە جەل 18 م/س جىلدامدىقپەن سوعادى. كۇندىز جامبىل, الماتى, تۇركىستان وبلىستارىنىڭ كەي جەرلەرىندە نايزاعاي ويناپ, جەلدىڭ جىلدامدىعى سەكۋندىنا 15-20 مەتر بولادى. باتىس قازاقستان وبلىسىنىڭ بىرقاتار وڭىرىندە تۇمان تۇسەدى.
شىعىس قازاقستان وبلىسىنىڭ كەي جەرلەرىندە نايزاعاي ويناپ, جەل كۇشەيەدى, جىلدامدىعى سەكۋندىنا 15-20 مەتر بولادى.
قىزىلوردا, تۇركىستان وبلىستارىندا, جامبىل, قاراعاندى, اتىراۋ وبلىستارىنىڭ باسىم بولىگىندە, باتىس قازاقستان, اقتوبە وبلىستارىنىڭ كەي جەرلەرىندە, پاۆلودار وبلىسىنىڭ سولتۇستىگىندە وتە جوعارى ءورت قاۋىپى ساقتالادى.