كەشە ورتالىق كوممۋنيكاتسيالار قىزمەتىندە قارجى مينيسترى بولات جامىشەۆتىڭ قاتىسۋىمەن ءباسپاسوز ءماسليحاتى بولدى. وندا مينيستر 11 قازاندا مەملەكەت باسشىسىنىڭ ءتوراعالىعىمەن وتكەن ۇكىمەتتىڭ كەڭەيتىلگەن وتىرىسىندا جۇكتەلگەن تاپسىرمالاردىڭ ورىندالۋ بارىسى تۋرالى باياندادى.
اتالعان وتىرىستا ەلباسى تۇگەل يگەرىلمەگەن قاراجاتتارعا قاتىستى ماسەلەلەردى تىڭعىلىقتى شەشۋدى تاپسىرعانى ءمالىم. سوندا پرەزيدەنت كەلتىرگەن دەرەككە قاراعاندا, بولجام بويىنشا تۇگەل يگەرىلمەگەن قاراجاتتىڭ كولەمى 150 ملرد. تەڭگە ەدى.
كەشە ورتالىق كوممۋنيكاتسيالار قىزمەتىندە قارجى مينيسترى بولات جامىشەۆتىڭ قاتىسۋىمەن ءباسپاسوز ءماسليحاتى بولدى. وندا مينيستر 11 قازاندا مەملەكەت باسشىسىنىڭ ءتوراعالىعىمەن وتكەن ۇكىمەتتىڭ كەڭەيتىلگەن وتىرىسىندا جۇكتەلگەن تاپسىرمالاردىڭ ورىندالۋ بارىسى تۋرالى باياندادى.
اتالعان وتىرىستا ەلباسى تۇگەل يگەرىلمەگەن قاراجاتتارعا قاتىستى ماسەلەلەردى تىڭعىلىقتى شەشۋدى تاپسىرعانى ءمالىم. سوندا پرەزيدەنت كەلتىرگەن دەرەككە قاراعاندا, بولجام بويىنشا تۇگەل يگەرىلمەگەن قاراجاتتىڭ كولەمى 150 ملرد. تەڭگە ەدى. وسىناۋ قوماقتى قارجىنىڭ نەگە يگەرىلمەگەنىن جانە ونىڭ سەبەپ-سالدارىن اڭگىمەلەگەن مينيستر كوپ ماسەلەنىڭ بەتىن اشتى. «بۇل 150 ملرد. تەڭگە 2014 جىلدىڭ قاڭتارىنا دەيىن يگەرىلمەي قالۋى ىقتيمال قارجى. نەگىزى ول قارجى بيۋدجەتتىڭ باعدارلامالار اكىمشىلەرى ۇسىنعان رەسپۋبليكالىق بيۋدجەت قاراجاتىن يگەرۋ جونىندەگى دەرەكتەردەن الىنعان ەدى», دەدى ب.جامىشەۆ.
ۆەدومستۆو باسشىسى جۋرناليستەرگە بۇل 150 ملرد. تەڭگەنىڭ قايدا, قالاي جۇمسالىپ رەتتەلەتىنىن ءجىلىكتەپ بەردى. «ونداعى 7,1 ملرد. تەڭگە بيىلدان قالعان قالدىقتاردى كەلەسى جىلى قارجىلاندىرۋعا جۇمسالادى. ال 72,1 ملرد. تەڭگە – بيۋدجەتتى ۇنەمدەۋدەن قۇرالعان قاراجات. مىسالى, مەملەكەتتىك ساتىپ الۋلاردان, ينفلياتسيا قارقىنىن باياۋلاتۋدان, مەملەكەتتىك باعالى قاعازدار بويىنشا سىياقىنىڭ تولەنبەۋىنەن, باعدارلاما قاتىسۋشىلارىن وڭالتۋدان جانە كولەمى جاعىنان از سۋبسيديالاردى پايدالانۋدان ۇنەمدەلگەن قاراجات. سونداي-اق, قارجى ينستيتۋتتارى مەن ليزينگ الۋشىلار اراسىندا جاسالعان قارجى ليزينگى شارتتارىنىڭ دا از بولۋىنان ۇنەمدەلگەن», دەدى مينيستر.
مينيستر كەلتىرگەن دەرەكتەرگە جۇگىنسەك, بيىلعى جىلى اۋىل شارۋاشىلىعى سالاسىنداعى ءتۇرلى شارالارعا دا قارجى بەلگىلەنگەن جوسپاردان از جۇمسالعان. اتاپ ايتقاندا, جانۋارلاردىڭ اسا قاۋىپتى اۋرۋلارى – اۋسىل, ءسىبىر جاراسى, شەشەك جانە تاعى باسقا قاتەرلى دەرتتەرگە قارجى شىعىنى ازايعان. سونداي-اق, مال شارۋاشىلىعىن دامىتۋ ءۇشىن بەرىلەتىن سۋبسيديالارعا دا سۇرانىستار از بولىپتى. وعان قوسا, الەۋمەتتىك ءتۇرلى شىعىندار دا اجەپتاۋىر ىقشامدالىپتى. ماسەلەن, «جۇمىسپەن قامتۋدىڭ جول كارتاسى-2020» باعدارلاماسىنا قاتىسۋشىلاردىڭ سانى ايتارلىقتاي ازايعان, نازارباەۆ زياتكەرلىك مەكتەپتەرىنىڭ نىساندارىن سالۋدا دا قارجى ۇنەمدەلىپ, تۇرعىن ءۇي تولەمدەرىن الۋشىلار سانى دا كەمىگەن ەكەن. مۇنىمەن بىرگە, بىرقاتار لاۋازىمدى ورىنداردىڭ بوس تۇرۋى دا جوعارىدا اتالعان قارجىنىڭ ۇلعايۋىنا سەبەپ بولعان. ويتكەنى, سول بوس ورىندارعا ەڭبەكاقى تولەنبەگەن.
«ال, 70,8 ملرد. تەڭگەنىڭ يگەرىلمەي قالۋىنىڭ ءتۇرلى سەبەپتەرى بار. ول, مەنىڭ ويىمشا, ءوز ۋاقىتىندا وتپەي قالعان كونكۋرستاردان, تاپسىرىس بەرۋشىلەردىڭ شارت تالاپتارىن بۇزۋىنان, ورىندالعان جۇمىستاردىڭ ەسەبىن دەر كەزىندە بەرىپ وتىرماۋدان, تاعى باسقا بيۋدجەتتىك باعدارلامالار اكىمشىلەرىنىڭ ءتۇرلى ءىس-شارالارىنىڭ ورىندالماۋى سالدارىنان شىققان قاراجات. ارينە, كورسەتىلگەن قاراجات كولەمى تىم ۇلكەن. بىراق ۋاقىتى كەلە ول قارجىلار ءوز جۇيەسىن تاباتىن بولادى», دەدى ب.جامىشەۆ. مينيستر مەملەكەت باسشىسىنىڭ توراعالىعىمەن وتكەن كەڭەيتىلگەن وتىرىستا بەرىلگەن تاپسىرمالاردىڭ ءبارى تياناقتى ورىندالىپ جاتقانىن تىلگە تيەك ەتتى.
ءباسپاسوز ءماسليحاتىنىڭ سوڭىندا قارجى ءمينيسترى باق وكىلدەرىنىڭ قويعان ءتۇرلى ساۋالدارىنا جاۋاپ بەردى.
نۇرباي ەلمۇراتوۆ,
«ەگەمەن قازاقستان».