كوروناۆيرۋستان ايىققان قازاقستاندىقتاردا اۋرۋدىڭ اسقىنۋ بەلگىلەرىن بايقالا باستادى. ەمحانالارعا كوروناۆيرۋستان ايىعىپ, بىراق باسقا اۋرۋلارعا شالدىققان ادامداردىڭ قاراسى كوپ, دەپ جازادى Egemen.kz ينفوربيۋرو اگەنتتىگىنە سىلتەمە جاساپ.
الەمدىك دارىگەرلەر كوروناۆيرۋستىڭ ۇزاق مەرزىمدى سالدارىن زەرتتەپ جاتىر. ساراپشىلار كوروناۆيرۋستىڭ بەلگىلەرى بىرنەشە ايعا دەيىن ساقتالۋى مۇمكىن ەكەنىن بۇعان دەيىن دە ەسكەرتكەن بولاتىن. كوپتەگەن ناۋقاستاردىڭ ءيىس جانە ءدام سەزۋ رەتسەپتورلارى ۋاقىت وتە كەلە عانا قالپىنا كەلگەنمەن, بۇرىن بايقالماعان دەرت بەلگىسى مازالاي باستاعان.
بريتاندىق نەۆرولوگتاردىڭ دەرەكتەرىنە سۇيەنسەك, كوروناۆيرۋس مي مەن ورتالىق جۇيكە جۇيەسىنە زاقىم كەلتىرىپ, پسيحوز, پاراليچ, ينسۋلت تۋدىرۋى مۇمكىن. سوندىقتان كوروناۆيرۋسپەن اۋىرعان ناۋقاستار ءبىر جىل بويى دارىگەرلەردىڭ باقىلاۋىندا بولادى. ءوزىن جايسىز سەزىنگەن ءاربىر ناۋقاس, ۋچاسكەلىك دارىگەرىن شاقىرتۋى كەرەك.
مەديتسينا دوكتورى, يممۋنولوگ الماس شارمان الەمدىك تاجىريبەدە دەرتتىڭ كەز كەلگەن تۇرىنەن قۇلان-تازا ايىعىپ شىققان ازاماتتاردىڭ دەنساۋلىعىن قالىپقا كەلتىرۋ ورتالىقتارى جۇمىس ىستەيتىنىن ايتادى. بۇل ا.شارماننىڭ ايتۋى بويىنشا مەملەكەتتىڭ قاتاڭ باقىلاۋىندا تۇرعان مىندەتتەردىڭ ءبىرى بولۋى كەرەك.
"كوۆيد تولىققاندى زەرتتەلمەگەن دەرت ءتۇرى. بىراق ونىڭ اعزانىڭ ەڭ ءالسىز تۇسىنا شابۋىل جاسايتىن دەرت ءتۇرى ەكەنى بايقالىپ قالدى. كوۆيدتەن ايىعىپ شىققان ناۋقاستاردىڭ باسىم كوپشىلىگى, دەمىكپەمەن قوسا, جۇرەك, بۋىن اۋرۋلارىنىڭ بەلگىسى مازالايتىنىن ايتا باستادى. سول سەبەپتى قازاقستاندا ادام دەنساۋلىعىن قايتا قالىپقا كەلتىرۋ ورتالىقتارىن اشىپ, ونى قاجەتتى تەحنولوگيامەن قامتاماسىز ەتۋ كەرەك. قازىر سوڭعى تەحنولوگيا ادامنىڭ اعزاسى اۋرۋدىڭ قانداي كەزەڭىندە تۇرعانىن, ال قاي كەزدە ونىڭ اسەرى سىرتقا سەزىلەتىنىن انىقتاپ بەرەتىن تەحنولوگيا جەتەدى. وسىنداي تەحنولوگيا تۇرىمەن تەك اقىلى تۇردە ەم كورسەتەتىن ەمحانالاردى عانا ەمەس, باعاسى قول جەتىمدى نەمەسە حالىققا تەگىن كورسەتەتىن اۋرۋحانا مەن ەمحانالاردى دا قامتاماسىز ەتۋ كەرەك. حالىقتىڭ دەنساۋلىعىن جالپىعا مىندەتتى سكرينگتەن وتكىزۋدى وسىدان باستاۋ كەرەك. ءبىز سول كەزدە عانا كوپتەگەن دەرت ءتۇرىنىڭ الدىن الا الامىز" دەيدى اڭگىمەسىندە.
ا.شارماننىڭ ايتۋىنشا, كوۆيدتەن جازىلىپ شىققان ازاماتتاردى وڭالتۋ ورتالىقتارى ولارعا تىنىس الۋ جولدارى جاتتىعۋىمەن شەكتەلىپ قالماۋى, تۇتاستاي كەشەندى زەرتتەۋلەر كەرەك. ءبىز بۇل مىندەتتەردى بۇگىن قولعا الماساق, كۇنى ەرتەڭ قانشا ادامنىڭ دەنساۋلىعىنان ايىرىلىپ, ەڭبەككە جارامسىز بولىپ قالاتىنىن بىلمەيمىز. سەبەبى ەلدەگى كوۆيد ۆيرۋسى انىقتالعاندار پتسر تەستەن وتكەندەرى عانا.
"دەنساۋلىق ساقتاۋ مينيسترلىگى اسقىنۋلاردىڭ سالدارىن زەرتتەيتىنىن حابارلادى. ول ءۇشىن ۇزاق مەرزىمدى زەرتتەۋلەر قاجەت. زەينەتكە شىعۋدىڭ الدىندا ۇرعان ادامدارعا ۇلكەن قاۋىپ تونۋدە.
"شامامەن 350-400-گە جۋىق قازاقستاندىقتاردى مەديتسينا قىزمەتكەرلەرى انىقتادى. ەمحاناعا بارماعان ادامدار مەن سيمپتومسىز اۋىرعانداردى دا ەسكەرۋ قاجەت", - دەيدى دەنساۋلىق ساقتاۋ مينيسترلىگىنىڭ رەسمي وكىلى باعدات قوجاحمەتوۆ.
دارىگەرلەر ءيىس جانە ءدام سەزۋ رەتسەپتورلارىنىڭ قالپىنا كەلەتىنىنە سەنىمدى. ىندەتتەن كەيىنگى تاعى ءبىر جاعىمسىز سالدار, تامىرلاردا ترومبتاردىڭ پايدا بولۋى مەن قاننىڭ ۇيىماۋى, ول ترومبوەمبولياعا نەمەسە ولىمگە اكەلىپ سوعۋى مۇمكىن.
كوروناۆيرۋستىڭ سالدارىن ازايتۋ ءۇشىن دارىگەرلەر رەابيليتولوگتاردىڭ باقىلاۋىمەن كۇندەلىكتى تىنىس جاتتىعۋلارىن جاساۋعا كەڭەس بەرەدى.