جۋىردا "Nur Otan" پارتياسى سقو فيليالى بويىنشا پرايمەريزگە تىركەلۋشىلەرمەن پارتيانىڭ جاقتاستار ليگاسىنىڭ باقىلاۋشىسى, ساياساتتانۋشى قازبەك مايگەلدينوۆ كەزدەسىپ, ءماسليحاتتا ايەلدەر مەن جاستار ۇلەسىنىڭ تومەندىگىنە ءوزىنىڭ الاڭداۋشىلىعىن ءبىلدىردى, دەپ حابارلايدى Egemen.kz
ساراپشىنىڭ ايتۋىنا قاراعاندا پارتيالىق پرايمەريزدەگى باستى جاڭالىقتارىنىڭ ءبىرى - ايەلدەر مەن جاستاردىڭ وكىلەتتى ورگاندارداعى كۆوتاسىن ساقتاۋ بولىپ تابىلادى. ولار تيىسىنشە 30 جانە 20 پايىز بولۋى كەرەك. وسى تالاپ پەن پارتيا ىشىندەگى ىرىكتەۋ ەرەجەلەرىنىڭ تيىسىنشە ورىندالۋىن باقىلاۋ ءۇشىن "Nur Otan" پارتياسىندا جاقتاستار ليگاسى قۇرىلعان.
"وڭىرلەردە ءبىر ۇلكەن ماسەلە بار: جىلدان جىلعا بۇرىنعى دەپۋتاتتار ماسليحاتقا سايلانادى, ال ولاردى حالىق بىلمەيدى. ناقتى ادامدار ماسەلەلەردى جاڭا يدەيالارمەن شەشۋ ءۇشىن, دەپۋتاتتىق كورپۋستى جاڭارتۋ قاجەت. قازىر رەسپۋبليكادا 216 ءماسليحات جۇمىس ىستەيدى, وندا جاستاردىڭ ۇلەسى تەك 2 پايىز عانا", قازبەك مايگەلدينوۆ.
ساياساتتانۋشى بۇگىنگى تاڭدا سولتۇستىك قازاقستان وبلىستىق ماسليحاتىنداعى دەپۋتاتتاردىڭ ىشىندە 35 جاسقا دەيىنگى بىردە-ءبىر جاس ازاماتتىڭ جوق ەكەنىن ايتتى. سوڭداي-اق, وسىندا ايەلدەر تەك 2 پايىزدى عانا قۇرايتىنىن ول كەمىستىك رەتىندە باعالايتىنىن ايتتى.
"الداعى پرايمەريزدا جاستار وزەكتى ماسەلەلەردى شەشۋ ءۇشىن, جەرگىلىكتى وكىلەتتى ورگاندارعا كىرۋ مۇمكىندىگىنە يە بولۋى كەرەك. ال قوعامدىق-ساياسي ومىرگە بەلسەندى قاتىسۋ ءۇشىن ايەلدەر 30 پايىزدىق كۆوتا الۋى ماڭىزدى", دەپ اتاپ ايتتى باقىلاۋشى.
الايدا ول ءماسليحاتتاردىڭ كاسىبيلىگىن, بىلىكتى ماماندارمەن تولىقتىرىلۋى كەرەكتىگىن اۋىزعا المادى. تەك ايەلدەر مەن جاستاردىڭ ۇلەسى ساقتالۋىن عانا قاداعالاپ وتىر. وسىنىڭ ءوزى باياعى «پروتسەنتومانيا» ەمەس پە دەگەن ساۋال تۋادى.
پەتروپاۆل