بيىل تامىز ايىندا «قازاقستان تەمىر جولى» ۇك» اق مەن «Dostyk TransTerminal» جشس اراسىندا دوستىق ستانساسىندا تەرمينال سالۋ بويىنشا ىنتىماقتاستىق تۋرالى كەلىسىمگە قول قويىلدى. قۇجات قازاقستاننىڭ ترانزيتتىك الەۋەتىن دامىتۋ ءۇشىن نەگىزگى تىزبەگى سانالاتىن دوستىق شەكارالىق ستانساسىنىڭ وتكىزۋ مۇمكىندىگىن ارتتىرۋ مەن ينفراقۇرىلىمىن دامىتۋ جونىندەگى ۇزاقمەرزىمدى ءارى ءوزارا ءتيىمدى ىنتىماقتاستىعىنىڭ باستالۋىنا كەپىل بولماق.
«Dostyk TransTerminal» جشس دوستىق ستانساسىنىڭ شىعىسىنداعى 6 شاقىرىم جەردە كوپفۋنكتسيالى اۋىستىرىپ تيەۋ جۇك تەرمينالى قۇرىلىسىن باستايدى. جاڭا تەرمينال تار شويىن جولدان كەڭ جولاقتى تەمىرجول كولىگىنە كونتەينەرلەردى قايتا تيەۋگە ارنالعان, بۇل رەتتە اۋا رايى جاعدايىنا قاراماستان تولىق قۇرامدى كونتەينەرلىك پويىزداردىڭ الدىڭعى جۇكتەمەسىنىڭ بولۋى قاراستىرىلعان. مۇندا جىلىنا 100 مىڭ كونتەينەرگە دەيىن, جۇكاعىنىنىڭ ۇلعايۋىنا قاراي 450 مىڭ كونتەينەرگە دەيىن كەڭەيۋ مۇمكىندىگىمەن اۋىستىرىپ تيەۋ قامتاماسىز ەتىلەتىن بولادى.
جوسپارعا سايكەس, تەرمينال 2021 جىلدىڭ ساۋىرىندە كونتەينەرلىك پويىزداردى قابىلداي باستايدى. زاماناۋي لوگيستيكالىق حاب رەتىندە جاڭا تەرمينالدىڭ جۇمىس ىستەي باستاۋى دوستىق ستانساسى ارقىلى كولىك باعىتىنىڭ باسەكەگە قابىلەتتىگىن ارتتىرۋعا ىقپال ەتەدى, بۇل اسىرەسە قىتاي-ەۋروپا باعىتى بويىنشا كونتەينەرلىك تاسىمالداردىڭ قارقىندى دامۋى جاعدايىندا ماڭىزدى.